Romu 2:6 - BAṈARA KO VAIRU AMA LEVELEVEO

⁶ Ako vo Baṉara ta reketekete saṉa o imou se ruqe ama maba poso seko ruqe ama iruruputo ko reketekete kale ni uri ama maba poso seko uri ama iruruputo ko reketekete kale.

Romu 2:6 교차 참조

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Romu 14:22

Ko ṉoṉo duvevo puekako quli komi quli kale ta ṉo ni Baṉara ko tiania mutamutale kobeta elo. O zoleiva tisoiko voa maba vo pui niuniala okai evani vo kova zariziako quli kale!

1 Koriniti 3:8

Vo o papatani ni vo ju o ikazatani ta omadeu iruruputo sanioqa, ni vo Baṉara ta reketekete saṉa o ikou nioqa kiada nioqa qo ṉaviṉavi qo erekako iruruputo ko podepodeti kale avo.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 11:15

So sole kota pui kama matuma quli kio tu vo Setani ko nabulu poso ta ke edolio tu sidopu ama maba poso jaria melo ke elo. Koko paitopaito kale ta keta ka kovou seko iruruputo ko male ama reketekete.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

2 Timoti 4:14

Alekezada, vo kopa o erekani maba ta o matu niumaelake aṉa; melai animevo Lekasa inio o mamola puevou vo o erekako quli kale.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

Kelokelozato 20:12

Ni aṉata a meake se voumu lekasa poso ni botoroa maba poso se kebeta lojoani koa papupapu ko kuleto. Ni se mateana madu ta ke redanikake se voumu ko iruruputo ko bazu sama buka poso, ni mata ka pado ko noqola saevo samu ko ṉi ko buka ta ke redanikake. Ni se voumu ta ke koake koko vaitotola ma koko reketekete ko se lula ke erekako ruqe ni uri kale avo, ko lula buka poso kale ko rikiziako kale.

Kelokelozato 22:12

Eri kiola vo Jisu, “Viqomo! Aṉata a qilou taukavole! Aṉata a qati kilou ko vaitotola ni reketekete tu amai okotiko se maba poso koko male ama lula seke erekako ruqe ni uri kale avo.