Romu 2:29 - BAṈARA KO VAIRU AMA LEVELEVEO

²⁹ Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

Romu 2:29 교차 참조

Luke 11:39

So sole vo Lekasa Jisu ta eri kiolake vokasi, “Mea Parese poso mela ta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo.

Luke 17:21

Puliala ta eri pa kiovou, ‘Keatini, komi kio ko ko!’ ma ‘Ko ikio ko ko!’ pa kiovou, ako vo Baṉara ta lula omai lekasa puani kake meko valuvalu ke evani maba poso sole,” kiolake.

Jone 12:43

Ako seta keka zariake maba ko rauraemo ni pui vo Baṉara ko rauraemo sole.

Jone 4:23

Melai ko taku ta kobeta kueva, ni kota lula kota barola, se tuvetuve ama ilusato ko maba poso ta ke ilusivou vo Mama seko auvana kale ni tuveano kale. Se inio sea ilusato ko maba poso vo Mama oma zariani tu ke ilusivo vo.

Jone 5:44

Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa?

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 2:27

Me Jiu amu mela inio koa Bazu samela ni me inio mea movemovea mela, melai meta me bikoirika koa Bazu sole meta kuirikuiria mela se pui Jiu amu kasi, se pui movemove amu melai ke zorikani koa Bazu.

Romu 3:1

Sole uri kio ko Jiu elo, saita inio ko pui Jiu elo, kio? Ni kama uri ama quli ta ko puratika ko moveilo, kio?

Romu 7:6

Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

1 Koriniti 7:19

Ako ko moveilo ni pui moveilo ta puliama koko kalo sama, melai qulepo ama quli ta ereko vo Baṉara o melati soruekako quli.

2 Koriniti 10:18

Ako vo Baṉara o rauraevani maba inio o zolevani vo Baṉara sole, pui voa maba vo o raurarauraivani o ṉavi inio.

2 Koriniti 3:6

Vo inio bokao saṉa o iṉela tu ṉeva nabuluputo vo eṉeko kai bazuto kale voko vaini ama leveleveo. Komia vairu ama leveleveo kale animeta pui me zorika kama bazu koko rikiziako, melai kota Baṉara ko Auvana kio me zorika. Koa lula ko rikiziovima Bazu ta ko kati kueva ko vou, melai vo Baṉara ko Auvana ta ko puarika ko noqola kama saevo.

Pilipai 3:3

Ako anime inio tuvevo avole vo Baṉara ko mela anime me ilusivani mela vo Baṉara voko Auvana kale ni anime meqai rauraivani mela animeko omadeu vati elo vo Jisu Karisito, ni pui me qerukeruekani mela ta Baṉara ta sidopu mela kiola animeko tupu kale ama saevo kale avo.

1 Tesalonaika 2:4

Soama quli taka lapaso kale eṉeta ṉeqai pesia kiada keru vo Baṉara eṉe o ṉelai zariani jari, ako vota lula o uria madoeṉela ti o ṉelai kerua tu eṉeta ṉeqai bazubazuto koa Uri ama Bazu. Ni kokale eṉeta pui ṉeqa zaria zolemo se maba poso, melai vo Baṉara inio ṉeva zaria zolevo, vo o madoekani eṉeko kerukeru.

1 Pita 3:4

Ako meko tuvevo ama ileile ta pui meko tupu ko kupekupe ama, melai kota meko inobe ama ni olomoiza kama auvana poso ko ileile ikio, ko pui kopa paloaso ama. Ni koa ileile kio qulepo ama vo Baṉara kasi.