Romu 2:16 - BAṈARA KO VAIRU AMA LEVELEVEO

¹⁶ So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

Romu 2:16 교차 참조

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Luke 8:17

“So jari nio ko quli ko meme qamikako quli ta kasa ko elou ubutiania, ni ko quli koko mutaivako quli ta kasa ko elou.

Jone 12:48

Melai vo olai kaikuapani aṉa ni vo pui o viqani aṉako bazubazu ta koa bazubazu ikio ko titizivou vo. Ako koa bazubazu aṉa a qasekako ta ko titizivou vo tovama ṉaniu kale sole.

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

Romu 16:25

Animeta ṉaṉaidara me ivo vo Baṉara! Vo inio o pizatimelani me meko oqu kale, vo Jisu Karisito Uri ama Bazu kale, ko aṉa aqai bazubazutako. Matu lulavo azo rosi ama taku kale inio kota mutai koa Bazu,

Romu 2:5

Melai ṉota lado buloa laṉa so sole ṉota ṉo badoeka ṉo ṉavi vo Baṉara ko korakorailo so keru koa matuma ṉaniu voko sidopu ama titizato ko elou keru.

Romu 3:6

Maba pui! Ako vo Baṉara ko keve ta pui sidopu ama tea, vota pui opa roveo titizimelo animea kiada mela peuru ma peuru kale amu mela.

1 Koriniti 15:1

Erisaṉa aṉata aqa zaria tu melai kerukerueko me a qaka ni visi poso mela vo Jisu ko Uri ama Bazu ko aṉa aqai bazubazutema mekasi, koa Bazu ko meme ṉeamukema, ni pataito lojolo meqai evema.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Qelesia 1:11

A visi poso, aṉata aqai zaria tu melai bazueko ko eri. Komia Uri ama Bazu aṉa aqai bazubazutako ta pui maba ko erekako.

1 Timoti 1:11

Koa nianiiekato ta ikoana ko Uri ama Bazu kale Baṉara o katilema aṉa tu aqai bazubazuto, koa Uri ama Bazu vo ṉaṉaidara ni mauruto sala Baṉara ko.

2 Timoti 2:8

Ṉota kerukerueva vo Jisu Karisito, vo o saeveni voukale azo, vo Aikovakova Devita ko vikuvikula kale ala, vo o kaseivani Uri ama Bazu kale ko aṉa aqai bazubazutako.

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

Hiburu 9:27

Kiadama maba madu ta ke vouvou omadeu taku pala ni seko vou ko tova Baṉara ta o pitasimou se ruqe amu sidopu amu kasi azo voko titizato kale.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.