Romu 2:15 - BAṈARA KO VAIRU AMA LEVELEVEO

¹⁵ Seko kalo kota ma kasa puekako ta ko rikiziake vo Mosese ko Bazu kikolani seko bulo poso kale. Ni seko kerukeru ta kasa ko ika ta kota tuvevo ama quli, ako kama taku ta kuiripato saṉa ko ima seko kerukeru, kama taku ta ko zuvarima seko kerukeru.

Romu 2:15 교차 참조

Jone 8:9

Ni so keru seke viqa keru koa pesio poso, nio sea kiadamu ta keta tuluaziake padopado zolailo kale, qoleqole amu ta kuleto ni se vairuvairu amu ta koko tova. Ni o kiada Jisu ta ke vaevake sai, ni koa reko ta sai kobeta lojoake.

Iruruputo 23:1

Nio Paula ta o toiritoirimake se Kauniseli madu ni eri ma kiolake, “A lolo poso mela, aṉako kerukeru ta maba pui kopa titizile aṉa aṉako va nabuluputo kale vo Baṉara ti kobeta baroa komia ṉaniu kale,” kiolake.

Iruruputo 24:16

So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.

Romu 2:14

Se pui Jiu amu ta puliama koa Bazu samu, melai ke kati vaila keru koa Mosese ko Bazu kikolani, seta kebe lulueka koa Bazu, puliama Mosese ko Bazu samu melai.

Romu 2:27

Me Jiu amu mela inio koa Bazu samela ni me inio mea movemovea mela, melai meta me bikoirika koa Bazu sole meta kuirikuiria mela se pui Jiu amu kasi, se pui movemove amu melai ke zorikani koa Bazu.

Romu 9:1

Aṉata a qasekou ko tuvevo ama quli; tuvevo avole aṉata vo Karisito vo lala sole pui a lipalipatou. Aṉako kerukeru ta ko aveaveiva vo Tabu ala Auvana kale, ni kota tuvetuve ko ila aṉa ta aṉata pui kala lipalipa kalala.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 5:11

So inio koa titizato ko ṉaniu ko kerukerueko kale ta eṉe melai ṉe baqumuka animevo Lekasa tava paṉao ko kalo, Sokale inio eṉeta ṉe madoeka tu mai tuvevo pueko eṉeko sidopu ama vatolo se maba poso. Vo Baṉara ta okai uria nianiia eṉeko uri ama vatolo, nio aṉako zario ta me melai so padoa nianiio me ṉelai elou eṉe meko kerukeru kale.

1 Timoti 4:2

Koa nianiiekato lipalipa kama ta se lipalipa kamu ke erekako, seko bulo kale ama kerukeru ta vouma omadeuvo kota ko siqai jari bavi ama aeani kale, nio pui komai kuirika seko sarueko.

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.