Romu 2:10 - BAṈARA KO VAIRU AMA LEVELEVEO

¹⁰ Melai vo Baṉara ta o puarikou ko ṉaṉaidara, raurailo, ni bule se uri ke erekani kasi, Jiu amu kasi kuleto ni so jari se pui Jiu amu kasi.

Romu 2:10 교차 참조

Matiu 10:13

Ni koa pade kale ama maba poso seke bulemuani ke elou ta meko bule sama pesio ta komai loilou, melai pui soamu ke elou ta kota ko melai vaitou me ṉavi.

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 12:37

Ni keta zoleilou sea nabulu poso sevo tanala o kilou keru, vo o toraemou keru se toiratoirati amu kebeta tarevani vo! Aṉata a bazuemela me, vota o ivikou voko topia sabosabo, ni o bazuemou se tu ke papu, ni o niaemou se.

Luke 19:42

ni eri kiolake, “Meta meqai nianiia vairutu ko bule ko imelo ama quli tea uri! Melai meta pui me rovea kelo ko erisana!

Luke 22:14

Ni vuato ko taku ko baroake, nio Jisu ta o papuake tevolo kasi voko disaipeli madu sate.

Luke 9:48

ni vota eri kiolake sekasi, “Vo o baroekivani kala nea silo ala meqora jari ala voko luluelo aṉa ko kio kale ta o baroekila inio aṉa. Ni vo o baroekilani aṉa ta o baroekiva vo o soroeleni aṉa. Ako vo o zarazaraivani mea kiada mela azo, vo inio vo raura kala,” kiolake.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Iruruputo 10:35

Seke ilusivani vo ni sidopu ke erekani ta o roquema azaazama qoqono maba poso.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Romu 2:9

Lisulasu ama saevo ni tola ta ko elou se ruqe ke erekani kasi, Jiu amu kasi kuleto ni so jari pui Jiu amu kasi.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 8:6

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

Romu 9:21

Ako voa maba koa raro o erekani nio o kati lulueka o vatolo koa miduku, tu vota okai ereko omuqa ijatiniama miduku raro, kala ta matuma taku keru ala ni kala pado ta kiada keru vai iruruputo kaqe.

Romu 9:23

Ni vota mata oka zariake kasa iko voko ṉaṉaidara ko pui ko lalamatake, koko taloima anime kasi anime me qoeni mela voko akoekato sama roquano, ni anime mata o inainaemeleni mela tu me zomanou voko ṉaṉaidara kale.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Pilipai 4:7

So inio vo Baṉara ko aqasiele ama bule ko anime pui me uria paqumukako ta ko zolekou meko bulo ni kerukeru meko omadeu vati elo kale vo Jisu Karisito.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

Hiburu 2:7

Ṉota se mateana madu ko sasa zara tinia ṉo ivake vo ni ṉota ṉo lekasa puevake vo ṉaṉaidara ni aikato sate,

Jemisi 2:22

Ṉota pui ṉoqai nianiia, kio? Voko oqu ni iruruputo poso ta omadeu ko eve, voko oqu ta okotoma ko eve voko iruruputo poso kale.

Jemisi 3:13

Kala me azo ta nianiiola ni paqumato sala, kiovo ala, vota kasa o ikou voko uri ama saevo kale. Vota kasa o ikou koa uri ama kalo, zarazarailo ni raura kama nianiio ko puratikako.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.