Romu 16:7 - BAṈARA KO VAIRU AMA LEVELEVEO

⁷ Ni aṉako roquano Adoronikasi ni Jiuniasi kasi aṉako maba kidi Jiua nioqa qo eveni nioqa aṉa sase pirito pade kale, uri ama apositolo kidi ka kikelani nioqa, ni kuleto Karisito qo lulueveni nioqa aṉa puliako luluevo.

Romu 16:7 교차 참조

Jone 14:20

Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.

Jone 15:2

Nio vota o kobueka ni o ṉamuka kiadama kata poso ko pui ko epamatako aṉa kasi azo, ni vota o puputika kiadama kata poso koko epamatako tu kota tova ko matu velokou.

Jone 6:56

Ni vo o kuovo ala aṉako marabau ni o nozueko ala aṉako dara ta noqola o elou aṉa tona ni aṉata noqola a elou vo tona.

Romu 16:10

Aṉako roquano Apelesi kasi vo lula kasa o ivani vo Karisito voko saevo kale.

Romu 16:11

Roquano se Arisitobulasi saidi kasi, ni roquano Herodiani kasi, Jiu ala aṉavo lolo, ni sea lotu tamania Naesesasi ko saidi kale amu kasi.

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

Romu 16:3

Aṉata a joroe aṉako roquano Pirisila ni Akuila kasi, aṉako tauvezato kidi vo Jisu Karisito va nabuluputo kale;

Romu 16:6

Ni aṉako roquano Mere kasi koko melati matu koidipema me.

Romu 16:8

Aṉako roquano Amipiliatasi kasi, vo aṉavo uri ala baerebaere vo Lekasa Jisu kale.

Romu 16:9

Ni mata aṉako roquano Ubanasi kasi, kala tauvezato ko maba Karisito va nabuluputo kale, ni Sitakisi aṉavo uri ala lolo.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 9:3

se Izireli amu kale avo, se a maba dara madu! Ko roveo tauvemo se aṉako kovo vo Baṉara ko levezo ni aṉako pitasio vo Karisito kasi azo tea, aqa zario nio levezio seko kio kale avo.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 12:2

Toni ariku sabere ko paloasema kale, aṉa lula vo Karisito vo maba a eve keru ama taku kale, inio o koiviele vo Baṉara aukale matu raura vasi. Aṉata pui a baqumuka ko so ta aṉako maba tupu kale inio ma vota o katile inio kama pado uloi kale jari ama kelokelozato; vo Baṉara o kiada inio o paqumuka ko.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Qelesia 1:22

Ni vo Karisito ko lotu kale amu Jiudia rana mu ta so keru ta pui nio ke toraela aṉa.

Qelesia 2:2

Aṉata a olake sai, ako vo Baṉara ta o bazuelake sole tu aṉata a zio. Nio aṉata a doraemake ṉe qiadakoi se lotu qoqono ko vilua pikopiko madu, ni aṉata amai bazuekake koa Uri ama Bazu, ko aṉa aqai bazutako se pui Jiu amu kasi. Ako aṉata ada ṉake sole ta esa seta pui omadeu kerukeru ke lati eva aṉa, ni aṉako iruruputo lula a erekema ni abe erekako erisaṉa ta utu ama kiala sole.

Qelesia 2:6

Melai sea raura kamu ma kimelani me ta pui kepa besieke kama quli koa Uri ama Bazu ko aṉa aqai bazubazutako kale ama. (Ni aṉata pulia quli ka kiala ko loma quli madu inio ko se lulavo. Ako vo Baṉara kasi ta animea kiada mela ti omadeuvo sole.)

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

Epesasi 2:10

Ako vo Baṉara ta mata tova eremelo jari o eve ni voko omadeu melati ivo anime vo Jisu Karisito kale inio vota vairu ama maba poso jari o imelake tu animeta me ereko uri ama iruruputo vo lula o mela inainaekema tu animeta me erekou.

Kolosi 4:10

Arisitakasi ta obeta eva aṉa sase koi pirito pade kale. Vota o soroeka voko roquano mekasi, ni so jari vo Maka, Banabasi vo sasa tamania kale ala melai o soroeka voko roquano. Aṉata lula a mela soroeke leta kale vo Maka ko bazu mekasi, tu vota o barou tea meko peuru kale, meta me uria baroekivou vo.

Pilimone 1:23

Vo Epaparasi, vo aṉa sase obeta evani pirito pade kale voko Jisu Karisito va nabuluputo kale, ta o soroeka voko roquano ṉokasi,

1 Jone 4:13

Ni animeta meqai nianiia ta animeta me eva Baṉara tona ni Baṉara ta o eva anime tona, ako vo Baṉara ta lula o katimela sole vovo Auvana.

1 Jone 5:20

Ni animeta meqai nianiia ta vo Baṉara vo Meqora nio o kuevini ni o katimeleni ko bokao tu animeta me mamuro, sole animeta mevai nianiia vo tuvevo ala Baṉara. Nio erisaṉa animeko saevo ta Baṉara tona ni o Meqora Jisu Karisito tona. Ni vo Jisu inio tuvevo ala Baṉara, ni vo inio o katimelani ko noqola kama saevo.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.