Romu 16:3 - BAṈARA KO VAIRU AMA LEVELEVEO

³ Aṉata a joroe aṉako roquano Pirisila ni Akuila kasi, aṉako tauvezato kidi vo Jisu Karisito va nabuluputo kale;

Romu 16:3 교차 참조

Iruruputo 18:26

Ni Apolosi ta parani putole o bazubazutake se Jiu amu ko ilusato ko pade Ni Pirisila ni Akuila ta qota va viqake voko bazubazuto, Saita inio nioqata qo odievake vo ni qo vati olake nioqako pade kasi ni nioqata sidopua zakaremu pueko qovai evake vo Baṉara ko keve.

Romu 16:10

Aṉako roquano Apelesi kasi vo lula kasa o ivani vo Karisito voko saevo kale.

Romu 16:4

nioqa qo inainaini nioqa tu qo vou aṉako tauvelo kale. Aṉata aqa zoleiva nioqa, ni pui aṉa a qiada, melai se pui Jiu lotu qoqono kale amu melai so.

Romu 16:7

Ni aṉako roquano Adoronikasi ni Jiuniasi kasi aṉako maba kidi Jiua nioqa qo eveni nioqa aṉa sase pirito pade kale, uri ama apositolo kidi ka kikelani nioqa, ni kuleto Karisito qo lulueveni nioqa aṉa puliako luluevo.

Romu 16:9

Ni mata aṉako roquano Ubanasi kasi, kala tauvezato ko maba Karisito va nabuluputo kale, ni Sitakisi aṉavo uri ala lolo.

Romu 8:1

Maba puliama kuiripato ta ikoana erisaṉa anime omadeu me vati evani mela vo Jisu Karisito animeko saevo kale.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 16:16

tu meta luluekomo soama maba poso ko odikato iruruputo ni mata kake ko, se omadeu nabuluputo ke evani ko se sase.

1 Koriniti 16:19

Ko Eisia ko evako lotu qoqono poso ta ke kati sorota seko roquano; Akuila ni Pirisila ni koa lotu qoqono seke padoivani nioqako pade kale ta ke soroeka seko matuma lotu tamania roquano.

2 Koriniti 12:2

Toni ariku sabere ko paloasema kale, aṉa lula vo Karisito vo maba a eve keru ama taku kale, inio o koiviele vo Baṉara aukale matu raura vasi. Aṉata pui a baqumuka ko so ta aṉako maba tupu kale inio ma vota o katile inio kama pado uloi kale jari ama kelokelozato; vo Baṉara o kiada inio o paqumuka ko.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Qelesia 1:22

Ni vo Karisito ko lotu kale amu Jiudia rana mu ta so keru ta pui nio ke toraela aṉa.

Pilipai 2:25

Vo Epaparoditasi ta aṉavo visi Karisito kale. Vota o iruruputani ni o nabuluputani aṉa sase tu eqeta qeva pazokinio vo Karisito. Ni aṉata avai zariovi nio meta me joroeve tauvelole aṉa sole aṉata mata a vaitoeva mekasi.

Kolosi 4:11

Ni Josua, kama pado voko ṉi ta Jasitasi kevai nokaekani, vo melai o soroeka voko roquano mekasi. Nia zouke Arisitakasi, ni Maka, ni Josua, ke kiada inio seke liliziani Jiu amu seke iruruputani aṉa sase Baṉara ko lekasa puo kale avo, ni seta lula ke matu tauvelani aṉa.

2 Timoti 4:19

Aṉata a joroeka ko roquano Pirisila ni Akuila kasi ni Onesiporasi saidi kasi.