Romu 16:27 - BAṈARA KO VAIRU AMA LEVELEVEO

²⁷ Voa omadeu pado Baṉara, vo okai nianiiani kiadama quli, ta ṉaṉaidara me ivou vo Jisu Karisito kale latau ṉaniu ni ka ṉaniu! Emeni.

Romu 16:27 교차 참조

Romu 11:36

Ako vota lula o ereke kiadama quli, ni kiadama quli ta kobeta eva vokale tu kota voko. Sole animeta me ṉaṉaidara puevou vo Baṉara latau ṉaniu ni ka ṉaniu! Emeni.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

Pilipai 4:20

Nio animeta me ilusivo animevo Mama Baṉara latau ṉaniu ni ka ṉaniu. Emeni.

1 Timoti 1:17

Me ilusivou ni ṉaṉaidara puevou vo noqola kala ni paito pide ala ni mutamuta kale ala Aikovakova, vo omadeu pado Baṉara latau ṉaniu ni ka ṉaniu! Emeni.

1 Timoti 6:16

Vo o kiada ta o saevani ni pui opa vouvo ala, ni o evani koa simanamana kale ko puliala o roveako kelo. Puliala maba ta lula o vea vo, ni puliala maba ta o rovea velo vo. Animeta me rauraevou vo noqola pizato sala! Emeni.

2 Timoti 4:18

Ni vo Lekasa ta o pakielou aṉa kiadama ruqe ama quli kale azo ni vota o uria baroekilou aṉa voko aukale ama lekasa puo kale. Vokasi inio ko ilusato koko elo ama latau ṉaniu ni ka ṉaniu. Emeni!

Hiburu 13:15

So sole vo Jisu ko pizato kale animeta pui me lalamatou ilusivo vo Baṉara, ako ko ikio animeko siqasiqa sole. Animeta mevai bazubazutou animeko kora kale edolomu kasi ta vo inio animevo Lekasa.

Hiburu 13:21

Aṉata a baseva vo Baṉara vo o vaekani voko bule se maba poso ko saevo kale, tu o katimelou me kiadama uri ama quli koko tauvemelo ama tu me erekou ko quli vo oka zariako tu me ereko. Aṉata a mela zaria anime tu vo Baṉara ta o iruruputou animeko bulo poso kale vo Jisu Karisito ko pizato kale, tu animeta me erekou kiadama quli voko zolevako. Nio vo Jisu Karisito ko raurailo ta ko elou latau ṉaniu ni ka ṉaniu. Emeni.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.

2 Pita 3:18

Melai pizatomo animevo Pakio Lekasa Jisu Karisito ko pakiezato sama roquano ni voko vai nianiio kale. Ako voko ikio koa ṉaṉaidara sole komia ṉaniu ni ka ṉaniu! Emeni.

Jiudi 1:25

vo omadeu pado animevo Pakio Baṉara kasi, vo Jisu Karisito animevo Lekasa kale kude, ta ko elou ko ṉaṉaidara, raurailo, lekasa puo, ni naizato, koko tanitanila keru azo ama, ni erisaṉama, ni latau ṉaniu ni ka ṉaniu! Emeni.