Romu 16:18 - BAṈARA KO VAIRU AMA LEVELEVEO

¹⁸ Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

Romu 16:18 교차 참조

Matiu 24:11

Ni matu kubo lipalipa kama poropita madu melai keta puratou ni ke saruemou matu kubo madu.

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 6:24

Nio vo Jisu ta obeta olake bazubazuto ni eri kiolake sekasi, “Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro.

Matiu 7:15

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Romu 14:18

Voa maba vo ova nabuluputani vo Karisito koa keve kale ta o zoleva vo Baṉara ni vota uri ala se maba madu kasi.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

2 Koriniti 11:3

Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Qelesia 1:10

Noni, aṉa so kio kale ta meta me qerukeruta ta aṉata aqa zaria tu zolemo se maba poso kimela? Maba pui! Ako aṉata Baṉara inio ava zaria zolevo sole. Ni aṉata aqa zaria tu zolemo se maba madu pala tea aṉata pui vo Karisito vo nabulu lala inio.

Pilipai 2:21

Ako kake maba poso ta ke ṉaviko zario pala ikio ke kerukerueka sole melai pui ke kerukerueka vo Jisu Karisito oka zariani.

Pilipai 3:19

Ako koa kalo se kekai saevako ta ko odiema sole se heli kale ama noqola tolailo kale, seta pui keva nabuluputa sole vo Baṉara melai seta ke ereka sole seko tupu kokai zariako quli. Ni kekai raurarauraiva sole koa qurato sama quli, ni kiada keru viluloqu kekai eva komia miduku kale ama quli.

Kolosi 2:4

Aṉata a melai bazue komi tu meta pui zarievo kala tu vota o saruemelo me voko ubeubezato sama pesio kale.

Kolosi 3:24

Vo Lekasa Jisu Karisito ta reketekete saṉa o imelou me. So inio meta me qovou koa vikuvikula vo oma inainaekako voko maba madu. Ako Karisito inio vo tuvevo ala Lekasa vo me meva nabuluputani.

2 Tesalonaika 2:10

ni vota okai iruruputou kiadavo ama lipalipato se noqola tolailo ke elo amu tona. Seta noqola tolailo keta elou ako seta pui ke baroekika ko tuveano nio vo Baṉara ta pui opa pakiemou se sole.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

Jemisi 1:1

Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Jiudi 1:12

Sea maba poso ta kaqa keta mela ika meko bairumuo vuato ako kokale seta qurato pide ke utu zoleiva ke ṉavi sole ni seta ke kerukeruiva ke ṉavi pala. So inio seta nioro pide ama lei, koko alazikako ko ururu jari amu. Ni seta epa pide ama ore jari amu, so keru koko epako ko taku keru melai epa pide ama, seta ko rabuivako ni ko vouvako ore jari amu.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Kelokelozato 1:1

Komia riki ta ko kaseka kiadama quli vo Jisu Karisito o puratikema quli ko kalo, ko quli vo Baṉara ova kasekema tu vota kasa oma iko voko nabulu poso ko taukavole ko ereilo ama quli. Vo Jisu Karisito ta kasa olai ikake kiadama quli aṉa vovo nabulu Jone lala voko lai soroevo kale kala vovo mateana,