Romu 15:26 - BAṈARA KO VAIRU AMA LEVELEVEO

²⁶ Ako lotu qoqono Masedonia ni Akaia peuru kale amu ta lula ke inainaeke seko katizato tu ke tauvemo vo Baṉara ko qoqono se ozaoza kamu Jerusalema peuru kale ke evani.

Romu 15:26 교차 참조

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Matiu 26:11

Ako se ozaoza kama maba madu meme qasemani ta mekasi nio kebeta eloa koi kiada keru sole, melai aṉa inio pui mekasi aba eloa lala kiada keru.

Luke 14:13

Melai so keru ṉoṉo erekou keru ko ṉojola, ṉota ṉo daipazimou mata se ozaoza kamu, loke amu, jopaito amu ni se leqa kamu,

Luke 6:20

Ni Jisu ta o toiritoirimake seke luluevani maba madu ni vota eri kiolake, “Meda zoleiva tisoiko me ozaoza kamela, ako meta o ṉavi Baṉara ko lekasa puo kalea mela sole!

Iruruputo 16:12

Sai kazo inio eṉeta ṉe qailake kiṉu kale ni ṉe baroake Pilipai Masedonia tanala kuleto ala matu peuru kale, kubo Romu amu ke evekoi. Ni eṉeta ṉe evake sai kama ṉaniu poso.

Iruruputo 16:9

Ni koa ipu kale inio Paula ta o keake kama pado kelokelozato. Ni koa kelokelozato kale vota o veake kala Masedoniala maba vo obeta lojoani ni o pasevani vo, vo eri kiolani, “Kua koi Masedonia peuru poso kale tauvenelole eṉe!” kiolani.

Iruruputo 18:12

Ni so keru Qalio qavuna o eva keru Akaia kale ama peuru poso kale, se Jiu amu ta ke padoivake, ni seta ke noqoevake vo Paula, ni ke vati olake titizato kale.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 9:13

Nio vo Ananaiasi ta o opatake ni eri kiolake, “Lekasa, matu kubo maba madu ta lula kevai bazuta nea maba aṉa kasi ni kiadama tapata poso vo o erekako ṉoko maba madu kasi Jerusalema ke evani kasi.

1 Koriniti 16:15

Meta meqai nianiia Sitepanasi ni voko saidi inio se kuleto ke liliziovini Akaia ranama peuru poso kale. Seta kema matu nabuluputani se lotu maba poso. Aṉata a basemela me a qaka ni visi poso mela,

1 Koriniti 16:5

Aṉako Masedoniama talio ko tova inio a qilou, ako Masedoniama peuru poso kale kude inio ada ziovou sole.

2 Koriniti 1:16

Ako aṉata a joipimelou me kiave aṉako zio keru Masedonia peuru poso kale ni mata aṉako vaito keru sai kazo sole, tu meta me dauvelo aṉa aṉako Jiudiama ziokale.

2 Koriniti 11:9

Ni so keru koa taku kale aṉa a eve keru mekasi aṉata pui tapata aba melai ike me so keru aṉa seleni aqa zaria keru; ako animeko lotu tamania kale amu seke kuevini Masedonia azo ta ke lati kue kiadama quli ko aṉa aqa zariovima quli. Kobeta kavani ko paloasako taku kale jari, ti kobeta kalou koko kuevako taku kale; aṉata maba pui riteraite aba melai ikou me kama quli.

2 Koriniti 2:13

Melai aṉata matu duki ada evake, ako aṉata pui a veake vo animevo lolo Taitasi sole. So sole aṉata a qasekake aṉako uluto sama pesio sea maba poso kasi ni aṉata ada olake Masedonia peuru poso kale.

2 Koriniti 7:5

Lula ṉebeta baroa sai koa Masedonia peuru poso kale melai eṉeta puliama mamazo ṉeba koe, ako koa kiadakoi ta kubo tapata sole, kake ta ke ṉelati aivekinie eṉe, ni eṉeta ṉeda ṉake.

2 Koriniti 9:12

Ako komia roquano sama iruruputo ko meme erekako ta pui vo Baṉara ko maba poso ko tapata ko kiada ikio meba korotiko ama, melai meta me buratikou mata sea kubo maba poso ko uriavo sama vararaito vo Baṉara kasi.

2 Koriniti 9:2

Ako aṉata lula aqai nianiia ta meta meqa zaria tu tauvezato sole, ni aṉata lula a rauraemela me se Masedonia peuru poso kale amu kasi. Aṉata eri kiave, “Animeko lotu baerebaere poso se Akaia peuru poso kale ke evani ta lula ke inainaova tu ke tauvezato ko olalama sabere keru azo,” kiave. Meko dikidau ta ko zaubarima sea kubo madu tu ke luluemelo me.

2 Koriniti 9:4

Ako kake Masedonia azo aṉa ke luluelo amu ta ke mela lelou me ta pui inaina kamela ta, eṉeta ṉeda quratou inio, ni meko qurato ta palopaloasi ama ikio kota elo, ako lula ṉe matu tuvevo puemela ni ṉe rauraemela me sole!

Pilipai 4:15

Me Pilipai mu mela ta mebe kai uria nianiia so keru aṉa a vaeke keru Masedonia ni kulekuleto aqai bazubazute keru ko Uri ama Bazu mekasi, ta puliama mata ka pado lotu qoqono ikio kopa tauvele aṉa, melai meme qiada inio me dauvele.

1 Tesalonaika 1:7

So inio mata sea kiadamu seke tuvevo putani sai Masedonia ni Akaia rana ta ke rovea kelo ni lulueko meko uri ama kalo.

1 Tesalonaika 1:8

Ako vo Lekasa ko bazu ta ko tanite mekasi ni kota ko aere koa pado ama Masedonia ni Akaia rana ko evako peuru poso kale, ni pui sai ko kiada, melai meko vo Baṉara vai oqu ko bazu ta kokai zaroa kiadama zae poso kale. So sole pulia quli mata ikoana tu eṉeta ṉe qaseko ko meko oqu ko bazu.

1 Tesalonaika 4:10

Ni meta lula me ereka koa kalo sea kiadama lotu tamania madu kasi koa kiadama Masedonia. Melai eṉeta ṉe basemela me ṉe visi ni kaka poso mela tu meta beta olamo ni kai matu paloasomo roquekinio.

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

Pilimone 1:5

Ako ada ṉa viqa ṉoko roquemo kiadama Baṉara ko maba madu ni ṉoko vai oqu vo Lekasa Jisu sole.