Romu 15:19 - BAṈARA KO VAIRU AMA LEVELEVEO

¹⁹ ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

Romu 15:19 교차 참조

Matiu 12:28

Ako aṉata pui vo Setani inio o katila ko pizato inio a rerika ko ziolo poso sole, melai vo Baṉara vo Auvana kale inio, ni kokale nio meta me duvevo puekou ta vo Baṉara ko lekasa puo ta lula ko melai baroa.

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Iruruputo 1:8

Melai so keru vo Tabu ala Auvana o kilou keru mekasi inio ko pizato ta ko melai sukatou me, nio meta melai bazubazutou aṉa sai Jerusalema, ni koa pado ama Jiudia ni Sameria peuru poso kale, ti kobeta barolou peuru ma peuru ko pakale,” kiolake.

Iruruputo 13:14

Ni nioqata qopeta olake talio ni qo baroake Anitioko peuru kale Pisidia rana, ni Sabati ṉaniu kale inio nioqata qo amaqeake Jiu amu ko ilusato ko pade kale ni qo papuake sai.

Iruruputo 13:51

So sole nioqa omuqa apositolo ta qo papazikake ko pari nioqako kiti kale ama tu ko mamola pueko ko saizamu ta pui Baṉara ko maba madu inio kio, ni qota vatutake Aikoniami peuru kale.

Iruruputo 14:10

ni eri va kiolake vo matuma kora kale, “Suvana lojo eve!” va kiolake. Ni voa maba ta ota sokaoke ni ota tanitake talio.

Iruruputo 14:20

Melai so keru seke tuvevo putani kevai ubure keru vo, inio vota ota zolaike ni ota vaitake koa peuru kale. Ni koko raneo kale Banabasi ni vo ta qota olake Debi.

Iruruputo 14:25

Sai nio nioqata qo bazubazutake Peqa peuru kale, ni qota saqorake Atalaea zavaṉa kale,

Iruruputo 14:6

Nio so keru nioqa qo lainike keru koa kerukeru, nioqata qota soqoike Lisitara ni Debi peuru kale ni Laikonia ranama peuru poso kale.

Iruruputo 15:12

Ni koa pado ama padoilo kale ama maba madu ta pui ke kuṉubake so keru seke viqake keru Banabasi ni Paula qo kaseke keru kiadama aqasiele ama iruruputo ko bazu nioqako vo Baṉara o erekema nioqa kale kude se pui Jiu amu kasi.

Iruruputo 16:18

Ni kota so pado kobeta kake kubo ṉaniu, ti matu kaikua nio kobe ivake vo Paula so sole vota oka lilitake ko ni eri kiolake koa ziolo kasi, “Vo Jisu Karisito ko ṉikale aṉata a bazueṉa ṉo tu ṉota saqore kokale azo!” kiolake. Ni koa ziolo ta kota saqorake koa taku kale koa sinaqu rusu kale azo.

Iruruputo 17:10

Nio koa ipu inio seke tuvevo putani ta ke soroekake Paula ni Sailasi Berea peuru kale, ni so keru nioqa qo baroa keru sai, nioqata qo amaqeake se Jiu amu ko ilusato ko pade kale.

Iruruputo 17:15

Ni sea maba poso seke odievani vo ta ke vati baroake Atenisi peuru kale. Sai kazo inio seta keta vaitake Berea peuru kale ke kati vaitake Paula ko bazu Sailasi ni Timoti oka soroekema tu nioqata taukavole qo zomano vo sase kikolako.

Iruruputo 18:1

Ni koko tova vasi nio Paula ta o vaekake ko Atenisi peuru ni ota olake Koriniti peuru kale.

Iruruputo 18:19

Ni seta ke varerikake Epesasi, sai vo o vaekekoi Pirisila ni Akuila. Sai nio vota o amaqeake se Jiu amu ko ilusato ko pade kale ni o mati pesipesitake se Jiu amu.

Iruruputo 19:1

Ni so keru Apolosi Koriniti peuru kale obeta eva keru inio Paula ta ota kai taliake koa rana vasi ama koko kiṉu ni o baroake Epesasi. Ni vota o toraemake kake seke tuvevo putani sai

Iruruputo 20:20

Meta meqai nianiia ta aṉata pui aba tamela kaitike kama tauvezato sama quli so keru aṉa a bazubazute keru ni a nianiiekate keru meko padoilo kale ni me ṉaviṉavi ko pade poso kasi.

Iruruputo 20:6

Ni eṉeta ṉe dadaoke Pilipai azo Isiti pide ama Bereti Ṉojola ko tova, ni sike ṉaniu ko paloasake inio eṉeta ṉe doraemake se Toroasi, ni eṉeta sikeura ṉaniu ṉeda evake sai.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 15:24

so sole erisaṉa aṉata aqa zaria kilo. Aṉata aqa zaria mela lelo me so keru aṉa Sipeini peuru kale a ziovou keru, tu aqai zoleilou meko soipimelo puju ama taku kale. So inio aṉata a qovou ko tauvezato mekasi aṉako ziokale sai.

1 Koriniti 2:4

so sole aṉako nianiiekato ni bazubazuto ta pui kama aṉako matuma nianiio kale, melai kota ko tuvevo pui Tabu ala Auvana ko piza kama iruruputo kale.

2 Koriniti 12:12

Koa kubo aqasiele ama urikato ni aqasiele ama iruruputo ko aṉa kiada keru a erekema mekasi ta kasa ko ika ta aṉata apositolo lala, sole ko male tu meta me duvevo pueko aṉako apositolo elo.

Qelesia 3:5

Meta paqumukomo ko vo Baṉara ko katimelo vo Tabu ala Auvana ni voko mela ereko aqasiele ama quli ta pui meko lulueko kale Mosese ko Bazu! Melai voko katimelo voa Auvana ni voko mela ereko koa aqasiele ama iruruputo ta meko viqo ni kai oqu ko Uri ama Bazu ko kio kale inio.

Kolosi 1:25

Aṉako ka nabuluputo ko lotu qoqono ta lula Baṉara olai pitoekema aṉa tu a dauvemelo me aṉa kai bazubazuto kale pado ama vo Baṉara kasi azo ama bazu.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.