Romu 15:16 - BAṈARA KO VAIRU AMA LEVELEVEO

¹⁶ vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 15:16 교차 참조

Iruruputo 13:2

Ni so keru se kebe ilusiva keru vo Lekasa Jisu seko lotumato kale, ni kebeta tabutabua keru seko pui vuato kale, inio vo Tabu ala Auvana ta eri kiolake sekasi, “La edolikomo Banabasi ni Saula, tu nioqata qo ereko koa iruruputo ko lula aṉa aqai pitoekako nioqa,” kiolake vo Tabu ala Auvana.

Iruruputo 20:24

Melai aṉata pui aqai tuqutuqua a ṉaviko saevo tu a ṉamuko. Aṉako zario ta a okotiko aṉako soru ni a baiko koa iruruputo vo Lekasa Jisu o katilema aṉa tu a ereko, tu aqai bazubazuto ko Uri ama Bazu vo Baṉara ko pakiezato sama roquano sama.

Iruruputo 20:32

“Ni erisaṉa aṉata a vaemela me vo Baṉara ko vailo kale tu voko tauvezato sama roquano ko bazubazu ta ko melati vailou me, ni ko pizatimelou me ni ko katimelou me koa reketekete vo Baṉara oma inainaekake kiadama voko tabu ama lotu maba poso.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Romu 11:13

Aṉata a besia erisaṉa me pui Jiu amu mela kasi: Vo Baṉara inio o soroele aṉa tu aqai bazubazuto voko Uri ama Bazu mea pui Jiu amu mela kasi, so sole aṉako komia iruruputo ta matu qulepo ama ka kiavou.

Romu 15:18

Aṉata aqai matu velavelaovou ko quli pala vo Karisito lula o erekako aṉa kale kude tu o odiemo se pui Jiu amu tu ke zorivo vo Baṉara. Vota lula o ereka ko quli pesio ni iruruputo kale,

Romu 15:19

ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

Romu 15:20

Aṉako matuma zario ta aṉata aqai bazubazuto ko Uri ama Bazu sai vo Karisito ko ṉi sai pui nio keta va viqakoi zama peuru poso kale, ako aṉata pui aqa zaria iruruputo sai kala maba lula o tanitekoi iruruputo sole.

Romu 15:29

Aṉata aqai nianiia, ta so keru aṉa a qilou keru mekasi, aṉata a qati kilou vo Karisito ko matuma mauruto.

Romu 5:5

Ni koa keru ta pui quraqurati ama quli anime kasi, ako Baṉara ta lula o raibike voko roquano animeko bulo poso kale vo Tabu ala Auvana kale, vo lula o katiziovini tu anime kaqe.

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

1 Koriniti 4:1

So sole meta kerukerueṉelomo eṉe apositolo madu ṉela ta vo Karisito nabulu ṉela pala, voko tauvezato ṉela vo o ṉelai keruani ṉela tu ṉeqai bazubazuto ko omele ama tuveano Baṉara ko.

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 5:20

So inio eṉeta vo Karisito o soroeṉeleni ṉela, eṉe ṉevai bazutani ṉela vo, omadeuvo eṉeko bauta kale inio obe pasepasemela vo Baṉara eṉe kale kude. So sole eṉeta ṉe mela titia me vo Karisito ko ṉikale, tu meta vo Baṉara ko baerebaere poso emo voko kanaekivo kale azo!

2 Koriniti 8:5

Eṉeta pui so pa kiṉeve, ta seta so jaria matuma katizato ke erekou! Ako kuleto seta lula ke katizia ke ṉavi vo Lekasa Jisu kasi ni voko madu keta eva; ni koko tova vo Baṉara ko vatolo ke zorika nio seta ke katizia mata eṉe kasi.

Qelesia 3:5

Meta paqumukomo ko vo Baṉara ko katimelo vo Tabu ala Auvana ni voko mela ereko aqasiele ama quli ta pui meko lulueko kale Mosese ko Bazu! Melai voko katimelo voa Auvana ni voko mela ereko koa aqasiele ama iruruputo ta meko viqo ni kai oqu ko Uri ama Bazu ko kio kale inio.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Epesasi 2:22

Ni so inio vo Karisito kale inio me pui Jiu amu mela ta omadeu orumuilo meda eva se Jiu amu sate. Ni meta me orumuiva tu kala pade jari me elo sai vo Baṉara o evakoi voko Auvana kale.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Pilipai 2:17

Ni meko tuvevo puevo vo Baṉara ta meko siqasiqa jari ko meme qativako vo Baṉara. Ni aṉata esa a vouvou ni aṉako vou ta mata kama pado katizato vo Baṉara kasi ko elou meko tuvevo puto ko siqasiqa ko topi tiniavo. So kobe kalou ma pui melai aṉata kolai sukatou ko zoleilo me sate.

Pilipai 4:18

Ni erisaṉa aṉata a qoa kiadama quli ko me mela soroekako quli ni kota ko korotila aṉa. Ako vo Epaparoditasi ta lula olai baroekika sole kiadama meko puaro poso. Ni kota kama uria tui ama siqasiqa jari vo Baṉara kasi, ni vo Baṉara ta o koa ni oka zoleiva koa meko puaro.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

1 Tesalonaika 2:9

Eṉeko visi poso mela, meta me qerukeruekou inio eṉeko matuma iruruputo mekasi ama. Ako eṉeta ṉe irurupute ipu ni ṉaniu tu eṉeta pui matu riteraite ṉe imelo me eṉeko kai bazubazuto kale mekasi ko Uri ama Bazu vo Baṉara kasi azo ama.

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

1 Timoti 1:11

Koa nianiiekato ta ikoana ko Uri ama Bazu kale Baṉara o katilema aṉa tu aqai bazubazuto, koa Uri ama Bazu vo ṉaṉaidara ni mauruto sala Baṉara ko.

1 Timoti 2:7

Sokale avo inio aṉata a joroiva kala apositolo lala tu a nianiiekimo se pui Jiu amu, tu aqai bazubazuto ko oqu ni tuveano ko bazu. Aṉata ada tuveana, pui a lipata!

2 Timoti 1:11

Vo Baṉara ta o pitoele aṉa tu aṉata kala apositolo a elo ni kala nianiiekato ko maba a elo tu aqai bazuto ko Uri ama Bazu,

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

1 Pita 1:12

Ni vo Baṉara ta kasa o ike se poropita madu kasi, ta seko bazubazuto ko iruruputo ta pui ke ṉaviko uri, melai kota meko ikio sole. Ako seta ke mela irurupute inio me so keru se kekai bazute keru lulavo ko tuveano ko meda ma viqako vairutu sea bazubazuto ko maba poso kasi, se kekai bazutani ko Uri ama Bazu vo Tabu ala Auvana ko tauvemo kale vo o kuevini aukale azo. Se mateana madu melai kekai matu zaria paqumuko komi quli.

1 Pita 2:5

Ni me melai saevoma lado jaria mela, sole meta katiziomo me ṉavi tu vo Baṉara ta o orumumelou me tu auvana kale ama Jelepade jari me elou. Ni meta mata koa Jelepade kale ama tabu ama siama madu jari me elou, tu me qativou vo Baṉara meko auvana kale ama siqasiqa. Ni vo Baṉara ta okai zoleiva koa meko siqasiqa jaria ilusivo vo, ko me Jisu Karisito ko vou ko kio kale me erekako.