Romu 14:9 - BAṈARA KO VAIRU AMA LEVELEVEO

⁹ Ako vo Karisito ta o vovi ni mata o saeve voukale azo, tu vota se saevomu ni se voumu vo Lekasa o elo.

Romu 14:9 교차 참조

Matiu 28:18

Ni Jisu ta sipole o imake se ni eri ma kiolake, “Baṉara ta o katile aṉa ko pizato tu aṉa inio lekasa aqa elou kiadama quli aukale ama ni miduku kale ama.

Luke 24:26

Noi nio pui qe paqumuka kota ko malezika tu vo Baṉara o pitoevani Pakio ta tapata o toraeka ni o vouva saita inio vota okai amaqeovou voko ṉaṉaidara?”

Jone 12:24

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Iruruputo 10:36

Meta meqai nianiia koa bazubazu vo o soroekema se Izireli amu kasi, bule ko kasekema Uri ama Bazu vo Jisu Karisito kale kude ko kuevima, vo kiadamu vo Lekasa.

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

Romu 10:9

Ṉota ṉovai bazutou ta vo Jisu inio vo Lekasa ni ṉota pizaka tuvevo pueko ṉo elou ko vo inio vo Baṉara o saeviveni vo voukale azo kio nio so inio ṉota ṉo bakiovou.

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.

1 Tesalonaika 4:14

Ako animeta me duvevo pueka vo Jisu ta o vovi ni mata o saeve voukale azo, so sole animeta mata tuvevo me ika vo Baṉara ta o vaitoemou vo Jisu sate seke vouvani se lula ke tuvevo puevani vo.

1 Tesalonaika 5:10

vo o mela vovini anime tu animeta omadeu saevo me elo vo sate, anime saevo mela ma lula vou mela vo o vaitou keru, ta puliako ta koko azavo.

2 Timoti 4:1

Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

Hiburu 12:2

Animeta me doiritoirivou vo Jisu, omadeuvo vo rereo ko maba ta o toiritoirika jari ko mamola vo o zuatikako, ako vota animeko oqu vo jutujutula koko tanitanila keru azo ti koko paitopaito kale, vo me luluevo ala. Vota o pataite so keru o vovi keru korosi topi. Ni vota pui opa qurate soa vou elo, ako vota o kerukeruekake koa zoleilo vo Baṉara lula ova inainaekake vo sole. Ako kokale avo vota lula o papua erisaṉa vo Baṉara ko raura kama papupapu ko palo rana vasia rana tu o lekasa puo.

1 Pita 1:21

Vokale inio meta tuvevo me iva vo Baṉara, vo o zolaeveni vo Karisito voukale azo ni o kativeni ko ṉaṉaidara. So inio meta mevai oqua vo Baṉara ni meta me bataita meko tuvevo puto sama kerukerueko ko kilo ama mauruto meme qovo ama vokasi.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

Kelokelozato 2:8

“Ni ṉota eria rikito eve sai Samena ama lotu qoqono ko mateana kasi: Eri nio koa bazu koko kuevako vo kiadama quli ko tanitanila ni koko paitopaito sala kasi azo, vo o vovini ni mata o tova saeveni voukale azo.