Romu 14:3 - BAṈARA KO VAIRU AMA LEVELEVEO

³ Voa maba vo utu kuo o evani kiadama sailao poso ta pui o zaraevou voa maba vo pui o utu vuatani; ni voa maba vo pui o kuani ko marabau ta pui o titizivou vo utu vuato o evani maba; ako vota obeta korota vo Baṉara ko vilu kasa sole.

Romu 14:3 교차 참조

Matiu 18:10

Nio vo Jisu ta mata eri kiolake sekasi, “Meta balauvomo ni pui zaraemo nia meqora poso jari amu, ako seta mateana samu sole aṉavo Mama kasi aukale, seke mati vailani.

Matiu 9:14

Ni vo Jone ko disaipeli madu ta ke kuevake Jisu kasi ni ke kuimaevake vo, ni eri kikelake, “Noi sole inio eṉe ni se Parese madu ta kubo taku ṉe dabutabua eṉeko pui vuato kale, melai ṉoko disaipeli madu ta keta vuata?” kikelake.

Luke 18:9

Ni Jisu ta o kasekake komia podepodeti se ke ṉavi nio sidopu amu kikelani kasi seke perimani edolomu.

Iruruputo 10:34

Nio vo Pita ta o taniekake pesio ni eri kiolake: “Erisaṉa aṉata abe paqumuka ta tuvevo avole vo Baṉara ta pui o roqueṉelani eṉe Jiua ṉela ṉe qiada melai vota ijatinia baisemelo o evani eṉe ni me pui Jiu amu mela.

Iruruputo 10:44

Ni so keru Pita obeta pesipesita keru inio vo Tabu ala Auvana ta ota podolo saqoro omai evake sea kiadamu seke didiekeni voko bazubazu.

Iruruputo 28:2

Ni koa udu kale ama maba poso ta ke ṉelati matu uria baerebaereake eṉe. Ni nioro ta kota tanitake pialo ni sanusanu kota evake, so sole seta ke bainaekake ko uza ni ke baroekiṉelake eṉea kiada ṉela.

Romu 11:15

Ako Baṉara omai kedui keru se Jiu amu so keru inio peuru ma peuru kale amu ta ke koe ko odouvo. Sole loma ikio ko ereilou se Jiu amu ke kovou keru ko odouvo! Se voumu ko mata saevo voukale azo jari ama aqasiele ta ko elou!

Romu 14:1

Meta baroekimomo sea maba poso se lekuleku amu seko oqu kale, melai pui tamati zolizoliekinio seko kerukeru meko kerukeru kale.

Romu 14:10

So sole ṉo, ṉo pui ṉo quani ṉa ko marabau, ta noi sole inio ṉota kuiripato saṉa ṉo iva ṉovo visi? Ni ṉo, ṉo utu kuani ṉa kiadama sailao poso, noi sole inio ṉota ṉovai kedua ṉovo visi? Ako animea kiada mela ta me lojou vo Baṉara ko kuleto voko titizato kale sole.

Romu 14:13

So sole, animeta me epezou kuirikinio me ṉavio kude, melai kerukeruekomo tu meta pui me erekou ko mevo visi tupara ko ivo ama quli ni ko pivo ama vo sarueko kale.

Romu 14:15

Ṉota tiṉoliṉoli ṉovai ikou ṉovo visi koa sailao ṉoṉo quako kale inio ṉota roquano pidea laṉa. Ṉota pui vai niumaeko voa maba koa sailao ko ṉoṉo quako vo lula Karisito ova vovini!

Romu 14:21

Melai ṉoko kuo ko marabau, ni ṉoko nozueko ko vaini ko ju, ni ṉoko ereko kama quli ta ko pivou ṉovo visi, ta koroto ama quli ta pui ṉo quovou ni pui ṉo nozuekou ni pui ṉo erekou ko quli.

Romu 15:7

So sole meta baroekiniomo muli, tu vo Baṉara ta o ṉaṉaidara puilo, vo Karisito o baroekimelo me jari.