Biblia Todo Logo
온라인 성경

- 광고 -




Romu 14:22 - BAṈARA KO VAIRU AMA LEVELEVEO

22 Ko ṉoṉo duvevo puekako quli komi quli kale ta ṉo ni Baṉara ko tiania mutamutale kobeta elo. O zoleiva tisoiko voa maba vo pui niuniala okai evani vo kova zariziako quli kale!

장을 참조하십시오 복사




Romu 14:22
13 교차 참조  

So sole aṉata a matu madoe kiada keru sidopua elo Baṉara ni maba ko kuleto tu aṉako kerukeru ta pui kopa titizilou aṉa.


Aṉako tuvevo puevo kale vo Lekasa Jisu inio aṉata tuvevo a ika ta puliama sailao ta ko kaitizia tu kuo vo Baṉara ko kelokelozato kale; melai kala maba ta tuvevo o ikou voko tuvevo puto kale ta kama sailao ta ko kaitizia kio inio, kota tabu ikio vokasi tu o kuo.


Ako kala maba ta voko oqu kale inio o rovea kuo kiadama quli, melai kala pado maba vo lekuleku ama oqu sala ta pui o rovea kuo ko marabau.


Melai vota niuniala okai elou ko vo o kuako quli nio Baṉara ko kuiripato ta ko vovou vo so keru vo o kuovou keru koa sailao, ako vota o utu ereka oqu pide sole. Ko oqu pide ko ereivako quli ta sarueko ikio.


Kala maba ko kerukeru kale kiolani ta kala pitopito ala ṉaniu inio qulepo ala ṉaniu kama ṉaniu poso kasi azo, melai mata kala ta koa kiadama ṉaniu poso ti omadeu podepodeti ama kiola. Qo ṉaviṉavi ta qo vinaeko qo ṉaviṉavi ko kerukeru kikolani.


Melai ṉoṉo ditizimani ṉa se edolomu koa ruqe poso kale ta pui ṉoba taka zoliovou, ko ṉota kala pado ṉa inio sole. Ako so keru ṉo ṉobe titizima keru se, ṉo melai ṉobe ereka soama iruruputo seke erekako jari ama, ṉota ṉoda kuirizia inio ṉo ṉavi.


Aṉata pui a baqumuka ko aṉa a erekako quli, ako aṉata pui a ereka sole ko quli aṉa aqa zariako ereko, melai ko aṉa matu ruqe ka kialako quli, ko ikio aṉata a ereka.


Ke, aṉata matu upotuqu ada eva! Lala inio o pakielou aṉa komia tupu vou sama kasi azo?


Melai pui kiadama maba poso inio ke paqumuka komia tuveano. Ako kake maba poso lula rosi ama taku malaṉaja kekai evani ko beku poso ta seko kuo kale ko soama sailao seta kebe kerukerueka ko soama sailao ta beku ko ikio kio. Seta pui ke rovea uria pitasiko sidopu ni sarueko nio ke lainika ta koa sailao ta kaqa ko ima Baṉara ko vilu kasa.


Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.


A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.


Kala me azo ta nianiiola ni paqumato sala, kiovo ala, vota kasa o ikou voko uri ama saevo kale. Vota kasa o ikou koa uri ama kalo, zarazarailo ni raura kama nianiio ko puratikako.


A baerebaere poso animeko bulo pui ruqe ko elou ta pui meba ṉalou kilo vo Baṉara kasi,


우리를 팔로우하세요:

광고


광고