Romu 14:21 - BAṈARA KO VAIRU AMA LEVELEVEO

²¹ Melai ṉoko kuo ko marabau, ni ṉoko nozueko ko vaini ko ju, ni ṉoko ereko kama quli ta ko pivou ṉovo visi, ta koroto ama quli ta pui ṉo quovou ni pui ṉo nozuekou ni pui ṉo erekou ko quli.

Romu 14:21 교차 참조

Matiu 13:21

Melai ko bazu ta pui ko matu saqora seko kerukeru kale, sole pui tu ko keuva. Nio tapata ni naqunaquto komai baroa keru koa bazu kale avo seta ke vaeka seko oqu.

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Romu 14:13

So sole, animeta me epezou kuirikinio me ṉavio kude, melai kerukeruekomo tu meta pui me erekou ko mevo visi tupara ko ivo ama quli ni ko pivo ama vo sarueko kale.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

1 Koriniti 8:13

So sole aṉako kuo ko beku kasi ko katiziako sailao ta sarueko saṉa ko ivou aṉavo lotu kale ala lolo ta, aṉata maba pui mata aba tova kuovou koa sailao, tu aṉata pui a jouraevou aṉavo lolo sarueko kale.

1 Koriniti 8:9

Sole meko utu vuato ta pui kaitikaiti ama. Melai meta kerukeruemomo sea maba poso se lekuleku ama kerukeru samu, se sarueko ka kikelani beku kasi ko puariziako sailao ko kuo tu pui memai pikou se sarueko ka kikelako quli kale.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

Hiburu 12:13

Pizaka talio emo sidopu ama keve kale tu se pui ke paqumukani seko oqu ta pui utu amu ke elo Baṉara kasi tu seta mata ke pizatou auvana kale.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.