Romu 14:19 - BAṈARA KO VAIRU AMA LEVELEVEO

¹⁹ So sole animeta me zuatikou kiada keru ko bule ko erekako quli ni ko omadeu pizatimelo ko elo ama quli animea kiada mela.

Romu 14:19 교차 참조

Matiu 5:9

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Maka 9:50

Soloti ta uri ama quli, melai kota ka mumailou koko kava roquroqu inio kota puliama kalo sama. Ni omadeuvo so jari nio meta pui me vaekou meko sarueko inio me melai kalo pidea mela. So sole vaekomo meko sarueko koko tizaekako meko bairumuo,” kiolake vo Jisu.

Romu 12:18

Meta matu madoekomo tu meta bule kale me elou kiadamu kasi.

Romu 15:2

Melai animeta me zolemo kiadama animeko tamania kale amu tu seta uri ke elo ni ke rapuko oqu kale.

1 Koriniti 10:23

“Kiadama quli ta ko zarizia anime kasi tu me ereko.” So inio kake mela kimelani. Kota tuvevo ko so melai pui kiadama quli kio uri ama. “Animeta me zarizia tu me ereko kiadama quli,” kimelani, melai pui koa kiadama ikio tauvezato sama quli.

1 Koriniti 10:33

Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.

1 Koriniti 14:26

So sole eri nio, a qaka ni visi poso mela. So keru meme doraekinia keru ilusato keru kala pado maba ta okai keraova ilusato ko kera, kala ta o nianiiekata, kala ta okai bazuta ko quli vo Baṉara kasa ova ikako, kala ta okai bazuta ko pui ko paqumuako pesio kale ama bazu, kala ta o pepelika koa bazu kikolani. Meta erekomo kiadama komi quli lotu qoqono ko tauvemo ama keve kale.

1 Koriniti 14:3

Melai vo o kasekani vo Baṉara kasi azo ama bazu maba madu kekai nianiiako pesio kale ta o pesia maba poso kasi ni o katima ko tauvezato, ni zuvarato, ni patukato.

1 Koriniti 14:4

Ako vo o pesiani maba poso pui kekai nianiiako pesio kale ta o tauveiva o ṉavi pala, melai vo okai bazutani kama vo Baṉara kasi azo ama bazu ta o rovea tauveko ko pado ama lotu qoqono sole.

1 Koriniti 14:5

Aṉata a mela zaria mea kiada mela tu meta me besiovou koa pui meqai nianiiako pesio kale, melai aṉako matuma zario ta meta me qovou koa pizato vo Baṉara kasi azo ama bazu kai bazuto ko. Voa maba vo okai pesiani ko pui ko paqumuako pesio pui o pepelikou koa pesio kikolani, tu koa pado ama lotu qoqono ta ko tauveilo, nio voa maba vo o kasekani vo Baṉara kasi azo ama bazu ta obe vai qulepa vo.

1 Koriniti 7:15

Melai kala ma kama pui qo tuvevo putani nioqa ta qo ziovou voa lasive ma koa reko kasi azo vaeka tu so qo kalo. So ko kalou ta vaeka tu qo lulueko koa keve voa lasive ma reko lotu kalea nioqa. Ako Baṉara ta lula o odiemela anime tu animeta bule kale me elo sole.

1 Koriniti 8:1

Erisaṉa, ko me meqa kuimanaovako meko riki kale koa sailao poso koko katiziako beku poso kasi ko kalo. Ta tuvevo ko animea kiada mela lotu maba mela ta nianiio samela. Melai animeko nianiio ikio ko puratikako ko aikailo, melai roquano ikio ko tauvemelako anime.

2 Koriniti 12:19

Esa meko kerukeru kale ta aṉata a ṉavi ada kerukeruiva komia pesipesi kale esa kimela. Pui! Aṉata a besia uri ama vatolo kale o ṉavi Baṉara ko tanama kale, aṉako va nabuluputo kale vo Karisito, ni kiadama quli aṉa abe kasekako quli, ta meko tauvemelo kaqe, a lolo poso mela.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:29

Ni so keru me besiovou keru ta pui me rukuekou ko maba ko niumaeko ama pesio. Melai me qasekou ko quli ko uri ko imo ama ni ko pizatimo ama edolomu. So inio ko quli meme qaseko ama quli ta ko tauvemou seke didiemelani me.

1 Timoti 1:4

Bazuema se tu seta ke epezo ṉamuko seko taku ereko kale ko vikuvikula bazu ni rosi ama koilokoilo ko bazubazu, koko puratikako ko aivekinio pala, ko pui kasa ko ikako vo Baṉara ko nakanakati. Melai vo Baṉara ko nakanakati ta ko paqumua maba poso ko oqu kale.

2 Timoti 2:22

Ṉota taka soqoi se vaini amu ko ruqe ama kalo, se keka matu zariani ko pui ko korotako quli poso, ni vinaeka lulueko ko sidopu, ni oqu, ni roquano, ni bule, seke ilusivani vo Baṉara saqasaqa kama bulo samu sase.

Hiburu 12:14

Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.

1 Pita 3:11

Vota o vaekou kiadama ruqe ni uri o erekou, ni o matu madoekou tu bule kale o saevou kiada keru.