Romu 14:14 - BAṈARA KO VAIRU AMA LEVELEVEO

¹⁴ Aṉako tuvevo puevo kale vo Lekasa Jisu inio aṉata tuvevo a ika ta puliama sailao ta ko kaitizia tu kuo vo Baṉara ko kelokelozato kale; melai kala maba ta tuvevo o ikou voko tuvevo puto kale ta kama sailao ta ko kaitizia kio inio, kota tabu ikio vokasi tu o kuo.

Romu 14:14 교차 참조

Maka 7:2

Ni seta ke meake kake voko disaipeli madu ta ke vuatake puliako pusaeko seko ṉase tabutabuo kale, sole pui ke lulueka Parese madu kekai nianiiekatako kalo.

Iruruputo 10:28

Nio vota eri kiolake sekasi, “Meta meqai matu uria nianiia ta eṉea Jiua ṉela ta pui ko zarieṉela eṉeko lotu bazu tu eṉeta omadeu ṉe melati elou ni ṉe joipimelou me pui Jiu amu mela kio. Melai vo Baṉara ta lula kasa ola ika aṉa tu aṉata pui a qerukeruemelo me koa bazu ko lulueko kale tu aṉata meta tabu tu melati lolopareo me mela kiavo.

Romu 14:2

Ako kala maba ta voko oqu kale inio o rovea kuo kiadama quli, melai kala pado maba vo lekuleku ama oqu sala ta pui o rovea kuo ko marabau.

Romu 14:20

Ṉota pui kai niumaeko vo Baṉara ko iruruputo kama sailao poso ṉoṉo quako kale. Ako kiadama sailao ta keazato ko quli sole, melai pui uri tu kala ta o saruilo ṉoko keazato kale.

Romu 14:23

Melai vota niuniala okai elou ko vo o kuako quli nio Baṉara ko kuiripato ta ko vovou vo so keru vo o kuovou keru koa sailao, ako vota o utu ereka oqu pide sole. Ko oqu pide ko ereivako quli ta sarueko ikio.

1 Koriniti 10:25

Kota ko mela zarizia tu meta me quovou ko marabau ko me dabarikako tatabarao ko zaekale. Meta pui tiṉoliṉoli kai elo ni pui meqai kuimakuimanaovou koa marabau.

1 Koriniti 8:10

Ako kala maba vo lekuleku ama kerukeru sala ta o kelou ṉoko vuato beku ko jelepade kale ama, kota ko zarizarivou vo tu vota o kuovou ko beku poso kasi ko katiziako sailao.

1 Koriniti 8:7

Melai pui kiadama maba poso inio ke paqumuka komia tuveano. Ako kake maba poso lula rosi ama taku malaṉaja kekai evani ko beku poso ta seko kuo kale ko soama sailao seta kebe kerukerueka ko soama sailao ta beku ko ikio kio. Seta pui ke rovea uria pitasiko sidopu ni sarueko nio ke lainika ta koa sailao ta kaqa ko ima Baṉara ko vilu kasa.

1 Timoti 4:4

Kiadama quli vo Baṉara o erekema ta uri ama; pulia quli ta meqai kaikuapou, melai kiadama quli ta me quovou uriavo ko vararaito kale,

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.