Romu 14:13 - BAṈARA KO VAIRU AMA LEVELEVEO

¹³ So sole, animeta me epezou kuirikinio me ṉavio kude, melai kerukeruekomo tu meta pui me erekou ko mevo visi tupara ko ivo ama quli ni ko pivo ama vo sarueko kale.

Romu 14:13 교차 참조

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

Matiu 18:7

Matu ruqe ama quli kio komai barolou komia peuru ma peuru kale ama maba poso ako seta ruqe ke ima maba poso sole seko oqu kale. Soama ruqe ama iruruputo ta pui kopa epezou komia peuru ma peuru kale, melai matuma koqotato ikio ke kovou sea maba poso seke saruemani edolomu!

Matiu 7:1

Nio vo Jisu ta obeta olake bazubazuto ni eri kiolake sekasi, “Meta pui me ditizimou edolomu, nio vo Baṉara ta pui o titizimelou me,

Luke 12:57

Ni Jisu ta obeta olake pesio ni eri ma kiolake, “Noi sole inio meta pui me bitoeka tu meta me qorotiko meko tapata poso me ṉavio kude?

Luke 17:2

Soala maba o saruevou kala nia silo amu se tuvevo ke ilani aṉa ni ota va epezikou voko lai oqu aṉa, ta uri tu kota va titiziovou voko qonaqona topi ko matu lado ni o ṉamuilou kolo tiania tu o duluilo sai.

Romu 11:9

Ni vo Devita ta eri kiolake, “Seta ke qoloilou ni ke sipatiovou seko ṉojola poso kale! Ni seta ke pialou, ni ke koqotailou!

Romu 14:10

So sole ṉo, ṉo pui ṉo quani ṉa ko marabau, ta noi sole inio ṉota kuiripato saṉa ṉo iva ṉovo visi? Ni ṉo, ṉo utu kuani ṉa kiadama sailao poso, noi sole inio ṉota ṉovai kedua ṉovo visi? Ako animea kiada mela ta me lojou vo Baṉara ko kuleto voko titizato kale sole.

Romu 14:3

Voa maba vo utu kuo o evani kiadama sailao poso ta pui o zaraevou voa maba vo pui o utu vuatani; ni voa maba vo pui o kuani ko marabau ta pui o titizivou vo utu vuato o evani maba; ako vota obeta korota vo Baṉara ko vilu kasa sole.

Romu 14:4

Lalaṉa inio ko ṉo ṉoṉo ditizivani ṉa edolola maba vo nabulu? O ṉavi voa nabulu vo lekasa inio okai nianiiovo ala vovo nabulu ko uria ereko ma pui uria ereko voko koidi. Melai vota o uria erekou voko koidi, ako Baṉara ta o pizativa vo sole.

Romu 16:17

Aṉata a basemela me a visi poso mela: tu tama balauvomo se pitasato ko maba poso ni seke niumaekani maba ko oqu ni se ruqea kaseko ke evani koa nianiiekato ko me lula me qoema. Meta tama papariomo se!

1 Koriniti 10:32

Meta pui ereko kama quli koko odiemo ama maba poso tu ke ereko se sarueko ka kikelako quli, Jiu amu kebe elou, ma se kutumana kamu kebe elou, ma vo Baṉara ko lotu qoqono kale amu kebe elou melai.

1 Koriniti 11:13

Meta pizaekomo me ṉavi; kota koroto ama quli kio tu kama reko ta ko vararaitou vo Baṉara kasi lotu padopadoilo kale lezu bouluboulu pide ama, kio?

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.

2 Koriniti 6:3

Eṉeta pui ṉeqa zaria tu kala ta ota ṉela kelo kama saruilo eṉeko iruruputo kale, sokale avo inio eṉeta ṉe madoeka tu sidopua saevo ṉe elo kiadamu ko vilu kasa.

Pilipai 1:10

So inio meta meqai nianiiovou ko uri ni ruqe ni meta me bitoekou ko uri; so inio meta bulebule ni sarueko pide me elou vo Karisito ko vaito keru,

1 Timoti 5:14

So sole aṉata aqa zaria tu se vairu ama naboko poso ta ke roroto, tu seta meqora saṉa ke elo, ni ke uria ereko seko pade kale ama iruruputo, tu animeko kana poso ta ke tizailou ni pui ke roveovou ruqe kasemelo anime.

Jemisi 2:4

Sokale meta kuirikuiria mela meko tama paṉao kale kake pala meko ruqe ama kerukeru ko pitoto kale.

Jemisi 4:11

Meta pui kuirikinio me ṉavio kude, me aṉako tamania kalea mela. Ako vo kuiripato saṉa o ivani kala lotu maba ma o titizivani, vota kuiripato saṉa o ika ko Tabu ama Bazu ni vota o titizika. Ni meta me ditizikou ko Tabu ama Bazu, ta me inio ko me pui me zorikani mela ko Bazu, ni me inio me ditizikani mela ko.

1 Jone 2:10

Ako vo o roquevani vovo lolo ta o evani nio zakaremu kale, ni pulia quli ta kopa saruevou vo tu o ereko ko sarueko.

Kelokelozato 2:14

Melai kama poso quli ta ikoana mekasi ko aṉa pui ko zolelako quli. Eri nio; kake ta inisiana me sase seke luluekani vo Beilami ko nianiiekato, vo o vati zaubari-keni vo Beilaki se Izireli amu ko zolizoliemo tu seta ke sarueko seko kuo kale ko sailao beku poso kasi lula kekai siqatake, ni seko pauveko kale ruqe ama iruruputo.