Romu 13:9 - BAṈARA KO VAIRU AMA LEVELEVEO

⁹ Komia Bazu poso eri kikolako, “Ṉota pui zavemato, pui vouvato, ni pui kuilo, ni pui viluloqu tavai elo edolola maba ko quli” — kiadama soama quli, ni mata kiadama ko jari ama ta omadeu elo ko eva omadeuma bazu kale, “Ṉota roquema kiadamu omadeuvo ṉo ṉavi ṉo roquiva jari.”

Romu 13:9 교차 참조

Matiu 22:39

Ni omuqama matu qulepo ama bazu ta komi, ‘Meta roquemomo edolomu me ṉavi me roquivani jari.’

Maka 10:19

Melai ṉoko kuimanao ko opato ta eri nio. Ṉota ṉobe kai nianiia ko ikio ko bazubazu ko eri kikolako, ‘Ṉota pui ṉo vouvatou, ṉota pui ṉo zavematou, ṉota pui ṉo quilou, ṉota pui ṉovai kuirikou kala lipalipa kama quli, ṉota pui ṉo ubeubezatou, ni ṉota ṉoda ka paṉaovou ṉoko mama ni niania,’ kikolako.”

Maka 12:31

Ni omuqama matu qulepo ama bazu ta komi, ‘Meta roquemomo edolomu me ṉavi me roquivani jari.’ Ni puliama mata kama bazu ta matu qulepo ama komia omuqa bazu azo.”

Luke 10:27

Nio voa maba ta o tiorizatake ni eri nio kikolani kiolake, “ ‘Meta roquevomo vo Baṉara mevo Lekasa pado ama meko bulo kale, ni pado ama meko vatolo kale ni pado ama meko pizato kale, ni pado ama meko kerukeru kale,’ ni ‘Meta roquemomo edolomu omadeuvo me ṉavi me roquivani jari,’ nio kikolani,” kiolake.

Luke 18:20

Ṉota ṉoqai nianiia vo Baṉara ko Bazu poso ko eri kikolako, ‘Ṉota pui ṉo zavematou, ṉota pui ṉo vouvatou, ṉota pui ṉo quilou, ṉota pui ṉovai kuirikou kala lipalipa kama quli, ṉota ṉoda ka paṉaovou ṉoko mama ni niania kidi,’ kikolako.”

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.