Romu 13:8 - BAṈARA KO VAIRU AMA LEVELEVEO

⁸ Meta vouvaekomo kiadama meko lipulipu, melai roquekinio ko lipulipu ta kobeta saevou kiada keru. Ako vo o erekani soama roquano ko keve ta o lulueka ko Bazu kikolani sole.

Romu 13:8 교차 참조

Matiu 7:12

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Jone 13:34

Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Romu 13:10

Ṉota ṉo roquevou kala, nio ṉota pui ṉoba niumaevou vo; so sole vo o roquanani inio o zorikani koa pado ama Bazu kikolani.

Romu 13:7

Sole meta vouvaekomo meko lipulipu meko tabariko kale meko takisi, ni meta tama paṉaomo ni rauraemomo sea kiadamu, ako seta ke male tu so me imo sole.

Qelesia 5:14

Ako koa kiadama vo Mosese ko Bazu ta komia omadeu pado Bazu topi ko kiada, ko eri kikolako, “Roquema edolomu omadeuvo ṉo ṉavi ṉo roquiva jari,” kikolako.

Kolosi 3:14

Kiadama koa uri ama kalo poso ta kai iruruputomo roquano kale, ko omadeu tubo ko iko ama koa kiadama, tu pulia quli ta ko niumaekou meko omadeu elo.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

1 Jone 3:10

So sole animeta memai nianiia inio vo Baṉara ko meqora poso ni vo Setani ko meqora poso. Ako se pui ke erekani ko sidopu ta pui vo Baṉara ko meqora poso inio, ni se pui ke roquemani seko lotu tamania kale amu melai pui vo Baṉara ko meqora poso.