Romu 13:7 - BAṈARA KO VAIRU AMA LEVELEVEO

⁷ Sole meta vouvaekomo meko lipulipu meko tabariko kale meko takisi, ni meta tama paṉaomo ni rauraemomo sea kiadamu, ako seta ke male tu so me imo sole.

Romu 13:7 교차 참조

Matiu 17:25

Nio vo Pita ta eri kiolake, “Zio vota o tabarikani nio,” kiolake. Nio so keru Pita o baroa keru pade kasi, Jisu inio kuleto o kuimaevake vo Pita ni eri kiolake, “Nonia kerukeruto ta ṉobe eva ṉo Saimone? Lala inio o tabariko ala koa takisi komia peuru ma peuru ama lekasa poso kasi, ke ṉaviko mabamu ma edolomu?” kiolake.

Matiu 22:21

Nio seta ke vati tiorikake ni eri kikelake, “Matula Lekasa Romu ala ko,” kikelake. Nio Jisu ta eri ma kiolake, “Uri, sole Romu ala Matu Lekasa ko ta kativomo vo Romu ala Matu Lekasa, Baṉara ko ta kativomo vo Baṉara,” kiolake.

Maka 12:17

Nio Jisu ta eri ma kiolake, “Uri, sole Romu ala Matu Lekasa ko ta kativomo vo Romu ala Matu Lekasa, ni Baṉara ko ta kativomo vo Baṉara,” kiolake. Ni seta kevai vuzeike vo Jisu.

Luke 20:22

Sole ṉota ṉela bazueka ṉoko kerukeru. Uri kio ko anime Jiu mu mela ta me buariko ko takisi Romu ala Matu Lekasa kasi ma pui? Noni kikola animeko Bazu?” kikelake.

Luke 20:25

So sole Jisu ta o bazuemake se, “Uri, sole Romu ala Matu Lekasa ko ta kativomo vo Romu ala Matu Lekasa, ni Baṉara ko ta kativomo vo Baṉara,” kiolake.

Luke 23:2

sai se kevai utu tanitekoi kuiripato saṉa ivo vo Jisu ni eri va kikovekoi, “Lula ṉe vea nea maba ta o saruema odiemo animeko maba madu, vota o naquema tu seta pui ke tabariko ko takisi vo Romu ala Matu Lekasa kasi ni o kaseka ta o ṉavi nio voa Pakio vo Baṉara o soroevani, ni vota kala aikovakova inio kiolani,” kikelake.

Romu 12:10

Meta matu roquekiniomo muli me ṉavi ako meta lotu tamania mela sole, ni dikidauputole paṉaekiniomo me ṉavio kude.

Romu 13:6

Sokale avo inio mata meta me dabarika ko takisi kiada keru, ako sea raura kamu ta keva nabuluputani vo Baṉara so keru seke ereka keru seko iruruputo sole.

Epesasi 5:33

Melai kota mata ko kaseiva mekasi: so sole kiadama tanama lasive poso mela ta me roquemou meko tanama reko poso me ṉavi me roquiva jari, ni kiadama tanama rekoreko poso mela ta meda ma paṉaovou meko tanama lasive poso.

Epesasi 6:5

Me mabaku poso mela meta zorimomo meko miduku kale ama lekasa poso meko ṉalo ni paṉao kale. Ni meta erekomo ko quli meko tuvevo ama bulo kale omadeuvo meta me zoriva jari vo Baṉara.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

1 Timoti 6:1

Se mabaku poso ta keta ma uria paṉaovou seko tanamu, tu puliala ta ruqe kaseko o elou vo Baṉara ko ṉi ni animeko nianiiekato.

1 Pita 3:7

Ni koa omadeuvo jari mea lasive poso mela ta me uria kerukeruemou ni omadeu elo me mati elou meko reko poso meko roroto ko saevo kale. Meta meda ma paṉaovou se, ako seta mekasi azo lekuleku amu sole. Melai Baṉara ta o katima se koa omadeuma leveleveo me o katimelako jari ama, tu se ni me ta me qovou koa tuvevo ama saevo paito pide ama voko roquano kale o puariko ama. Meta me erekou komi quli, so inio pulia quli ko tizaekou meko vararaito.