Voko so kio ta pui voko se ozaoza kamu mati vailo kaqe melai vota kala kuilokuilo ala maba. Vo inio o kati vailani se disaipeli madu ko seleni ni vota o bibizatani.
Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.
Eṉeta lula kasa ṉe ika eṉeko va nabuluputo vo Baṉara eṉeko bulebule ama saevo kale, ni eṉeko nianiio ni paṉao ni eṉeko puaropuaro kale, vo Tabu ala Auvana kale, eṉeko tuvevo ama roquano kale,
Aṉata pui a ereka kama piza kama bazu tu meta me ereko ko. Melai aṉata kasa a mela ika sea Masedonia mu ko roquano sama iruruputo tu a zuvarimelou tu me melai soama roquano sama iruruputo erekomo.
So keru eṉe ṉe bazubazute keru mekasi eṉeko bazubazuto ta pui kama sarusaru ama quli topi ama, ni pui kama eṉeko pazopazoilo sama kerukeru sate, ni pui eṉeko kama ubeubemelo kale ama.
Balauvomo tu meta pui me besiekou ko ruqe ruqe kale, melai meta madoekomo tu erekomo ko uri kiada keru me ṉavio kude ni so jari kiadama maba poso kasi.
Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.
Ṉota ṉo roqueka ko sidopu, ni ṉoqai kideipa ko sarueko. Sokale inio aṉa ṉovo Baṉara lala ta a bitoeṉe ṉo ni aṉata a qatiṉe ṉo raura kama raurailo ko zoleilo kokai paloasako ṉoko baerebaere poso a qatimema.”
Matu madoekomo tu meta emo bule kale kiadama maba sase, ni madoekomo tu saevomo tabu ama saevo kale, ako koa tabu ama saevo pide ta pui meba velou vo Baṉara sole.
Melai vo aukale ala Baṉara kasi azo ko kuevako raura kama nianiio ko qulepo ama ta kota remedemede pide ama ni kota bule ama, ni baise ama, ni lolopareo sama. Kota matuma roquano sama ni kota ko puratika ko uri ama kalo poso; ni kota pui ko pitopitotako ni pui ko lipalipatako.
Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.
Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.
