Romu 12:8 - BAṈARA KO VAIRU AMA LEVELEVEO

⁸ ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

Romu 12:8 교차 참조

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Iruruputo 13:12

Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Iruruputo 13:15

Ni kala ta o tiromikake Mosese ko Bazu ni se poropita madu ko riki kale ama tiromo saita inio koa ilusato ko pade ko vilua pikopiko madu ta kekai soroekake nioqa ko bazu eri kikovema, “Baerebaere kidi, eṉeta ṉe baseqela qe tu qeta qe pesiovou se maba poso kasi, zuvarato ko bazubazu qe borikani qela tea, tu ko zuvarimo se,” kikelake.

Iruruputo 15:32

Ni Jiudasi ni Sailasi ta poropita kidi nio rosi ama taku kale qo kasekani nioqa sekasi ko zuvarato ni pizatimo ko bazubazu.

Iruruputo 20:2

Vota o olake koa kena kale ama peuru poso kale ni o zuvarimake se kubo bazubazu kale. Saita inio vota o olake Akaia peuru poso kale,

Iruruputo 20:28

So sole meta kati vailomo meko saevo ni kati vailomo kiadama koa lotu qoqono vo Tabu ala Auvana lula o vaekako meko vailo kale. Omadeuvo vo sipi o kati vailani maba ta o kati vaila voko rovaṉa jari meta kati vailomo vo Baṉara ko lotu qoqono ko lula o ṉaviko o ikema vovo Meqora siqasiqa ma elo kale voko voukale.

Iruruputo 4:36

Ni vo Josepa ta kala Livai toutou kale ala Saipirasi udu kale o alileni ni se apositolo madu Banabasi va kikeveni. Koa ṉi ko kio ni kalo ta “Vo o zuvaratani.”

Romu 12:13

Meta puarikomo meko kama ma kama se olaquamu vo Baṉara ko maba madu kale amu kasi, ni ma veukomo meko pade se pakepakeo maba madu.

Romu 13:6

Sokale avo inio mata meta me dabarika ko takisi kiada keru, ako sea raura kamu ta keva nabuluputani vo Baṉara so keru seke ereka keru seko iruruputo sole.

1 Koriniti 12:28

Vo Baṉara ta lula o vaemela animea kiada mela me ṉaviṉavi ko zaekale voko lotu qoqono kale. Kuleto ta se apositolo madu, omuqama pado zaekale ta o vaema se poropita madu, ni zouke ala pado zaekale ta o vaema se nianiiekato ko maba madu. Koko tova ta se aqasiele ama iruruputo ko maba poso, koko tova ta se urikato ko maba poso, ni seke tauvemani edolomu, ni seke korokorotimani se lotu qoqono azaazama iruruputo kale, ni se kekai pesiani pui kekai nianiiako pesio kale.

1 Koriniti 14:3

Melai vo o kasekani vo Baṉara kasi azo ama bazu maba madu kekai nianiiako pesio kale ta o pesia maba poso kasi ni o katima ko tauvezato, ni zuvarato, ni patukato.

2 Koriniti 1:12

Aṉata ada zoleiva ako aṉako kerukeru kale aṉa a qaevo komia peuru ma peuru kale ni mekasi ta matu tuvevo ama ni sidopu ama vo Baṉara ko vailo kale. Pui peuru ma peuru ko lipalipa kama nianiio kio aba lulueke aṉako kalo kale, melai vo Baṉara ko pakiezato sama roquano ikio kasa ama ikake se maba poso aṉako kalo kale.

2 Koriniti 11:3

Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

2 Koriniti 8:12

Ako meta dikidauputole me erekou meko katizato ta, vo Baṉara ta oka zoleilou meko katizato me meqai bokaovako ereko, ni pui opa ka zariovou ko me pui meqai bokaovako quli ereko sole.

2 Koriniti 9:11

Vota masuru o imelou me kiada keru tu meta puaropuaro me elou kiadama taku, tu kubo madu ta ke kasekou seko uriavo meko katizato poso kale ko seke kovo ama eṉe ṉe qatimou keru se.

2 Koriniti 9:13

Ako komia iruruputo ko meme erekako ta koma puratika meko roquano ko tuveano, so inio sea kubo madu ta ke ṉaṉaidara puevou vo Baṉara meko uria lulueko kale vo Karisito ko Uri ama Bazu meko iruruputo kale ni pui meko pesio kale pala. Ni seta keva ilusikou vo meko puaropuaro elo sekasi ni so jari edolomu kasi.

2 Koriniti 9:7

So sole meta azaaza katizato me elou me ṉaviṉavi ko bulo poso kale ama pitoto kale, pui omuqa kerukeru kale ni kama zuruzuruto kale kude; ako vo Baṉara ta o roqueva voa maba vo zoleilo kale o katizatani sole.

Epesasi 6:5

Me mabaku poso mela meta zorimomo meko miduku kale ama lekasa poso meko ṉalo ni paṉao kale. Ni meta erekomo ko quli meko tuvevo ama bulo kale omadeuvo meta me zoriva jari vo Baṉara.

Kolosi 3:22

Ni me mabaku poso mela, meta zorimomo meko miduku kale ama lekasa poso kiadama quli kale, erekomo ko, pui so keru seke melati vaila keru me pala, omadeuvo sea maba poso se kekai zariani tu seko lekasa poso ta ke melo jari, tu seta ke rauraemo. Melai meta erekomo koa koidi meko pado ama bulo sate kiada keru, ako meta me rauraeva mevo Lekasa Jisu sole.

1 Tesalonaika 2:3

So keru eṉe ṉe bazubazute keru mekasi eṉeko bazubazuto ta pui kama sarusaru ama quli topi ama, ni pui kama eṉeko pazopazoilo sama kerukeru sate, ni pui eṉeko kama ubeubemelo kale ama.

1 Tesalonaika 2:8

Ako eṉeta ṉe matu roquemele me, so sole eṉeta ṉeqai zariake melati bazueko me ko Uri ama Bazu, ni eṉeta mata ṉeqai zariake melati koidipo me eṉeko pado ama saevo kale. Ako eṉeta soa matu roquemelo inio ṉe evake me sole.

1 Timoti 4:13

Ako aṉata ada baroloa lala inio, so sole ṉota pui lalamato tiromiko ko Tabu ama Riki ubutiania ni pui lalamato kai bazubazuto ni kai nianiiekato.

1 Timoti 5:17

Se lotu tanatanamu seke uria erekani seko odikato ko iruruputo ta ke male tu seta ke uria kerukeruilou ni ke kovou ko uri ama tabara. Ni kota ko matu suirima se kekai mumuasa puivani ko bazubazuto ni nianiiekato.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

Hiburu 10:25

Animeta pui niaba me elou animeko omadeu padoilo ilusato kale azo, animeta pui lekuleku meqai elou ko, omadeuvo kake ke kavani jari, melai animeta me zuvarikiniou muli matuvole, ako animeta meqai nianiia vo animevo Lekasa ko vaito ko Ṉaniu ta lula sipole kio sole.

Hiburu 13:17

Meta zorimomo meko lotu lekasa poso, ni erekomo ko quli seke melati soruekako me, ako se inio ke melati vailani me meko auvana ko saevo sole, ni se inio ko kilo ama ṉaniu kale ke lojo amu Baṉara ko tanama kale, tu ke kaseko seko iruruputo vokasi. Seta kevai bazuekou vo se lula ke erekako ni nonia ereko inio lula ke evani ko. So sole meta zorimomo se, tu seta ke zoleilou seko iruruputo kale, nio pui duki ke elou seko koidi kale, ako meko duki imo se ta pui kopa tauvemelou me sole.

Hiburu 13:22

A visi poso, aṉata a basemela me tu paṉao kale viqomo aṉako zuvarato sama bazu. Komia leta aṉa a rikiekako mekasi ta puju ama.

Hiburu 13:24

Eṉeta ṉe joroeka eṉeko roquano kiadama meko lotu lekasa poso kasi ni kiadama vo Baṉara ko maba poso kasi. Se Itali ama lotu tamania ta ke melati sorota me seko roquano.

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.