Romu 12:5 - BAṈARA KO VAIRU AMA LEVELEVEO

⁵ So inio animeta kubo maba mela, melai animeta omadeu pado tupua mela vo Karisito kale ni animeta omadeu me eva azaazama kata poso mela omadeu pado tupu kale.

Romu 12:5 교차 참조

Jone 17:11

Erisaṉa aṉata matu sipole ada vaitou ṉokasi, sole aṉata pui tova elo aba elou komia ruqe ama peuru ma peuru kale, melai ni ta kebeta elou komia ruqe ama peuru ma peuru kale. Tabu ala Mama, ṉota pakiema se ṉoko ṉi ko pizato kale, koa ṉi ṉoṉo qatilema aṉa kale, tu seta omadeu bulo ni saevo ke elou, omadeuvo ṉo ni aṉa ta omadeu qe eva jari.

Romu 12:4

Animeta kubo kata samela omadeu tupu kale, ni koa kata poso ta azaazama koko sake sama.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

1 Koriniti 10:33

Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.

1 Koriniti 12:20

Melai kota kubo kata sama, koa omadeu pado tupu.

1 Koriniti 6:15

Meta pui meqai nianiia ko me inio kama kobu vo Karisito tupu melai kjo? Meta vo Karisito ka kobu tupu mela, so sole pui ko male tu meta meqai zomano ko takuto. Maba pui ko male ko so!

Epesasi 1:23

Ni koa lotu qoqono ta vo Karisito ko tupu, so sole ko lotu qoqono ta ko okotiva vo Karisito, ni vo Karisito inio o okotikani kiadama quli kiadama keve kale.

Epesasi 4:12

Vota o katimelake komia puaro poso tu o inainaemelo animea kiada mela vo Baṉara ko maba madu mela tu me ereko o ṉaviko lotu ko iruruputo, tu animeta me bizatikinio vo Karisito ko tupu kalea mela.

Epesasi 4:25

So sole meta pui me lipalipatou, melai me qasekou ko tuveano mevo lolo vo o tuvevo putani kasi ako animea kiada mela ta omadeu tupu kalea mela sole vo Karisito kale.

Epesasi 5:23

Ako vo tanala lasive inio koko lezu sole voko reko, omadeuvo vo Karisito ta voko lotu qoqono ko lezu jari, ni o ṉavi Karisito nio o pakiemeni se lotu qoqono kale ama maba madu, ako ko lotu qoqono ta voko tupu jari sole.

Epesasi 5:30

ako animeta voko tupu ko kata poso mela sole.

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Kolosi 2:19

Melai seta keta pitasia Karisito kasi azo, vo o mati vailani se voko lotu qoqono kale amu, omadeuvo ko lezu ko kati vaila jari ko tupu. Karisito ta o kati vaila voko lotu qoqono ni o pizatika ko tu kota ko pizato omadeuvo ko tupu ta sailao kale ko uria pizata ni ko rapuka jari. So inio vo Baṉara ko zario.