Romu 12:16 - BAṈARA KO VAIRU AMA LEVELEVEO

¹⁶ Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

Romu 12:16 교차 참조

Matiu 11:5

se leqa kamu ta keta keazata, ni se raiqo amu ta keta talia, ni se pokupoku amu ta keta urika, ni se qiqili amu ta keta viqaviqazata, ni se voumu ta mata ke tova saeva, ni ko Uri ama Bazu ta ko kaseiva se olaquamu kasi. Ako aṉa inio a erekani lala ko quli.

Matiu 26:11

Ako se ozaoza kama maba madu meme qasemani ta mekasi nio kebeta eloa koi kiada keru sole, melai aṉa inio pui mekasi aba eloa lala kiada keru.

Luke 14:13

Melai so keru ṉoṉo erekou keru ko ṉojola, ṉota ṉo daipazimou mata se ozaoza kamu, loke amu, jopaito amu ni se leqa kamu,

Luke 6:20

Ni Jisu ta o toiritoirimake seke luluevani maba madu ni vota eri kiolake, “Meda zoleiva tisoiko me ozaoza kamela, ako meta o ṉavi Baṉara ko lekasa puo kalea mela sole!

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

Romu 11:20

Kota tuvevo. Koa kata poso ta ko lopai ako seta pui kepa tuvevo pute sole, melai ṉota pui ṉo lopaiva ako ṉota ṉo duvevo puta sole. Melai ṉota pui raurailo, melai ṉota balauve.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 12:3

Ako vo Baṉara ko roquano sama puaro vo o katilako aṉa kale ta eri kiala mea kiada mela kasi: Meta pui aikailo me ṉavi melai meta zarazaraimo meko kerukeru kale, vo Baṉara o katimelako oqu ko malezikako kale.

Romu 15:5

Ni vo Baṉara, vo pizaka lojo ni zuvarato ko raki, ta o bokerimelou me tu omadeu vatolo ni kerukeru me elo meko lulueko kale vo Jisu Karisito o kaevo.

Romu 6:2

Maba pui! Animeta lula vou mela jari sarueko vasia rana sole soa saevo inio mebeta elou? Maba pui!

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

1 Koriniti 4:10

Ako meko kerukeru kale eṉeta sarube amu ṉela vo Karisito vai nabuluputo kale, melai inio meta nianiio mela vo Karisito vai nabuluputo kale kimela; eṉeta lekuleku melai meta piza kimela; eṉeta zara kamu ṉela, melai meta raura kamu mela kimela!

1 Koriniti 6:5

Aṉata so mela kiala a quratimela! Noi nio? Puliala me azo nianiiola vo o roveani korotiko ko quli ko ereivako me ṉavio kude mea lotu maba poso mela, kio?

1 Koriniti 8:2

Ni kala maba ta vo inio vo matu nianiiola kiovo ala voko kerukeru kale, vota pui nio okai baroa koa nianiio koko male tu kai nianiio.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 3:16

Melai animeta mebeta zio lulueko koa tuveano ko anime lula meqai baroako.

Pilipai 4:2

Ni qea omuqa rekoreko qela Iodia ni Sinitikei qela melai a qelai zaria tu qeta qe odouvikiniou ako qeta qe zoriva sole animevo Lekasa Jisu.

Hiburu 13:5

Meta pui roqueko ko takula, ni meta maleziomo ko quli meme ṉeamukako quli kale, ako Baṉara ta eri kiove sole, “Aṉata maba pui aba vaemelou me ni aṉata pui uteo aba imelou me,” kiolake.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

1 Pita 5:3

Ni meta pui mema rauraraurailou sea lotu maba madu kasi se me mati vailani, omadeuvo ruqe ama lekasa poso jari, melai meta uri ama kalo erekomo sekasi, tu seta ke luluekou meko uri ama kalo.

3 Jone 1:9

Aṉata a rikieve kala riki se lotu qoqono madu kasi. Melai vo Daeoterapesi ta ota lupaoke viqo aṉa kialani, ako vo inio o raurarauraivani sole tu mevo vilua pikopiko o elou.