Romu 12:13 - BAṈARA KO VAIRU AMA LEVELEVEO

¹³ Meta puarikomo meko kama ma kama se olaquamu vo Baṉara ko maba madu kale amu kasi, ni ma veukomo meko pade se pakepakeo maba madu.

Romu 12:13 교차 참조

Matiu 25:35

Ako so keru aṉa a luape keru meta me niaele aṉa, ni aṉa kabare a eve keru meta me qatile ko ju, ni so keru aṉa a lipilipite keru meta me baroekile meko pade kasi,

Iruruputo 10:4

Nio vota o toiritoirivake voa mateana ni voko ṉalo sate vota eri kiolake, “Loma ikio, tanala?” kiolake. Nio vo mateana ta o vati tiorikake vo ni eri kiolake, “Vo Baṉara ta oka zoleiva ṉoko vararaito ni ṉoko tauvezato sama iruruputo, ni vota o kerukerueṉa ṉo.

Iruruputo 4:35

ni ke vaekake se apositolo madu ko ṉase topi, nio koa seleni ikio kemai tauvekake se tapata poso ke toraekani.

Romu 12:8

ma ṉota edolomu ko zuvarimo ko puaro saṉa ṉo elou ta ṉota ṉo zuvarimou se. Vo o puarikani edolomu kasi voko quli ta o puarikou zoleilo kale. Vo pizato sala ta o uria erekou voko koidi; ni vo o tauvezatani ta o tauvezatou zoleilo sase.

1 Koriniti 16:15

Meta meqai nianiia Sitepanasi ni voko saidi inio se kuleto ke liliziovini Akaia ranama peuru poso kale. Seta kema matu nabuluputani se lotu maba poso. Aṉata a basemela me a qaka ni visi poso mela,

2 Koriniti 9:1

Pui koko maba male ikio tu aṉata a dova rikieko mata mekasi koa tauvezato ko kio ni kalo koko soroilo ama vo Baṉara ko maba madu kasi se Jiudia peuru poso kale ke evani ozaoza kamu kasi.

2 Koriniti 9:12

Ako komia roquano sama iruruputo ko meme erekako ta pui vo Baṉara ko maba poso ko tapata ko kiada ikio meba korotiko ama, melai meta me buratikou mata sea kubo maba poso ko uriavo sama vararaito vo Baṉara kasi.

Qelesia 6:10

Ni so keru anime meqai roveovo ama taku kale animeta me dauvemou kiadama maba madu ni me dauvemou matuvole se kevai oquani vo Jisu Karisito.

1 Timoti 3:2

Lotu qoqono kale ala vilua pikopiko ta kuiripato pide o elou, vota o ṉeamukou omadeu pado reko, vota o balauvani, ni o kaitiziani, ni vota inobea elola; ni vota o baroekimou se edoloma maba madu voko pade kale; ni vota bokao saṉa o elou tu o ereko ko nianiiekato;

1 Timoti 5:10

ni se kota ma kaseivani seko uri ama iruruputo poso, ni seke mati uria vailani seko meqora poso, ni seke baroekimani se edolomu seko pade kasi, ni se keta ma panaovani ti kema koidipani seke luluevani vo Karisito, ni se lula ke tauvezatani tapata keru, ni se dikidauputole ke erekani kiadama uri ama iruruputo. Se ke kiada inio.

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Pilimone 1:7

A baerebaere ṉa, ṉoko roquano ta ko matu zolela ni ko zuvarila aṉa, ako ṉota lula ṉoda ma zoleka kiadama vo Baṉara ko maba poso ko bulo sole.

Hiburu 13:16

Pui ukaka iko meko uri ereko edolomu kasi, ni meko tauvekinio, ako ko ikio koa siqasiqa vo Baṉara ko zolevako sole.

Hiburu 13:2

Kerukerutomo tu meta baroekimomo se edolomu meko peuru kale, se puju ama taku me sase ke elo amu. Ako so keru kake maba madu ke ereke keru koa keve, seta ke tauvemake kake mateana madu, puliako nianiieme se.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

1 Pita 4:9

Ni meta baroekiniomo me ṉavio kude meko pade kale puliama ṉuruṉuruo sate.

1 Jone 3:17

Ni kala batiro ala lotu maba ta obe velou kala vovo lolo olaquavo o evani melai pui o roquevou tu o tauvevo vo, ta vo Baṉara ko roquano ta maba puliama voko bulo kale!

3 Jone 1:5

So sole a baerebaere, matu uri ṉota ṉobeta ola tauvemo se pakepakeo lotu maba madu, ni so jari se ṉo pui ṉomai nianiiani melai ṉo dauvema.