“Ni vovo lekasa ta o vati tiorikake ni eri kiolake vokasi, ‘Ṉota matu ruqea laṉa ni lupalupa kala nabulu ṉa! Ṉota ṉolai nianiia ta aṉata a qajorani lala sai pui aṉa a bapatakoi, ni a qoazatani lala sai pui aṉa a iruruputakoi.
Ni vota kevai uria nianiiekikeni vo Lekasa ko keve, ni matuma lainizato sate o bazubazutani ni sidopua kai nianiiekato okai evani vo Jisu ni voko kalo. Melai Jone ko bapitaiso ko kiada ikio vo okai nianiiako.
Kiadama aṉako zarazarailo ni kubo aṉako deumu sate aṉata a erekake aṉako iruruputo aṉako va nabuluputo kale vo Baṉara koa tapata kama taku poso kale koko baroima aṉa kasi se Jiu amu ko la abamato kale sole.
Ako kala mabaku vo Lekasa Jisu lula o nokaevani ta kala ruparupasi ala vo Lekasa vo maba, ni so jari nio vo ruparupasi ala maba vo Karisito lula o nokaevani ta vovo mabaku.
So inio vo o kuileni voko lulama saevo kale ta o epezou kuilo ni o iruruputou voko ṉase kale tu o kovou saevo ko korotikako quli, ni omai tauvekou koa uri ama quli se ozaoza kamu.
So sole animeta me ilusivou vo Baṉara, ako vota lula o zomanimela anime koa toutou kale vo okai lekasa puako, ko pui ko roveako vezokato. Animeta me ilusivou vo koa keve vo ko zolevo ama kale matuma paṉao sate.
So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.
Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.
Melai ko matu qulepako quli ta roquekiniomo muli meko pado ama bulo kale. So inio meta me mati odouvikiniou kiada keru meko lolo poso seke sarueko amu mekasi.
