Romu 11:18 - BAṈARA KO VAIRU AMA LEVELEVEO

¹⁸ So sole ṉota pui mai kedu seke lopaini omadeuvo koa kata poso koko lopaivako jari. Ṉota pui ṉo male tu ṉo aikailo. Ako ṉota kala pado kata ṉa inio sole; ṉota pui ṉo dauveka ko ore ko tataiqili—melai ko tataiqili kio kobe tauveṉa ṉo.

Romu 11:18 교차 참조

Matiu 26:33

Nio Pita ta eri kiolake Jisu kasi, “Nia kiadamu ta keta ṉa soqoilou melai aṉata maba pui ti pui aba vaeṉou,” kiolake.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 4:22

Me Sameria mela ta pui me uria vai nianiia vo meme ilusivani; melai eṉe Jiu amu ṉela ta ṉe uria vai nianiia vo eṉe ṉe ilusivani, ako pakiezato ta se Jiu amu kale kude inio ko kueva sole.

Iruruputo 25:7

Ni so keru Paula o baroa keru sai, nio se Jiu amu seke kuevini Jerusalema azo ta ke levoevake tava lojo voko levoano ni ke taniekake ereko ko matuma kuiripato vokasi, ko pui ke roveako kasa taka iko koko tuveano.

Romu 11:20

Kota tuvevo. Koa kata poso ta ko lopai ako seta pui kepa tuvevo pute sole, melai ṉota pui ṉo lopaiva ako ṉota ṉo duvevo puta sole. Melai ṉota pui raurailo, melai ṉota balauve.

Romu 3:27

Anime lula sidopu me evani mela ta loma ikio animeta meqai raurailou? Pulia quli! Noni kale avo inio so? Animeta pulia quli meba kai raurailou, ako animeta sidopu me eva vo Jisu vai oqu kale sole, melai pui Mosese ko Bazu ko lulueko kale.

Romu 4:16

So sole oqu tona inio koko raki ko leveleveo, tu koa leveleveo ta matu vinavina ko elou, vo Baṉara ko utuakoi zama puaro kale vo Ebarahami ko vikuvikula madu kasi, pui seke zorikani pala ko Bazu, melai se vo Ebarahami jaria oqu ke evani kasi. Ako vo Ebarahami ta animea kiada mela vo auvana kale ala taite sole;

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

Qelesia 3:29

Meta vo Karisito ko mela, sole mea kiada mela inio vo Ebarahami ko vikuvikula kalea mela. Ni mea kiada mela inio me qoani mela vo Baṉara ko sidopu puto, vo Baṉara leveleveo o ikema Ebarahami kasi.