Ni mata noni: Se Izireli amu ta pui kepa paqumuke koa Bazu kio? O ṉavi Mosese inio kuleto o kasekeni vo Baṉara kiovevo: “Aṉata a bitoevou kala pado utu ala toutou tu konoilo saṉa a imo a ṉaviko maba madu. Aṉata a bitoevou kala pado sarube ala toutou tu korakorailo saṉa a imo se.”
Noi nio, so keru se Jiu amu tupara ke eve keru, ta keta piavi ti pui mata kepa tova lojolou inio, kio? Maba pui! Melai se Jiu amu ta keta piavi inio. Sokale avo inio vo Baṉara ta o pakiema se pui Jiu amu, tu se Jiu amu ta kema konoilou se.
se Izireli amu kale avo, se a maba dara madu! Ko roveo tauvemo se aṉako kovo vo Baṉara ko levezo ni aṉako pitasio vo Karisito kasi azo tea, aqa zario nio levezio seko kio kale avo.
Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.
Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.
Ako ṉota pui ṉo rovea kai nianiio ṉoa lotu reko ṉa ko ṉota ṉo bakievou ṉovo lasive ma pui. Ni ṉota pui ṉo rovea kai nianiio ṉoa lotu lasive ṉa ko ṉota ṉo bakiekou ṉoko reko ma pui sole.
Vo Jisu Karisito ta o kuevi komia miduku kale tu vota o pakiemo se boutare samu. Kota kama pado tuvevo ama pesio, koko male ama tu kiadamu ta ke tuvevo pueko. Ako aṉata matu ruqea lala sea kiadamu sea boutare samu azo,
Ṉota balauve ṉoko saevo ni nianiiekato kale. Ṉota vinai komi quli poso ko ereko kale, ako ṉota so ṉo qalou, inio ṉo ṉavi ni seke viqani ta meda pakiovou.
Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,
so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.
vota o pakiemele anime. Pui kama quli uri ama anime lula me erekako kale, melai voko pakiezato sama roquano kale inio vota o pakiemele anime vo Tabu ala Auvana kale ama pusailo kale, vo o katimeleni anime vairu ama alilo ni vairu ama saevo.
Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.
So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.
