Romu 11:11 - BAṈARA KO VAIRU AMA LEVELEVEO

¹¹ Noi nio, so keru se Jiu amu tupara ke eve keru, ta keta piavi ti pui mata kepa tova lojolou inio, kio? Maba pui! Melai se Jiu amu ta keta piavi inio. Sokale avo inio vo Baṉara ta o pakiema se pui Jiu amu, tu se Jiu amu ta kema konoilou se.

Romu 11:11 교차 참조

Luke 20:16

Vota o kilou ni opa vouvaemou nio sea maba madu, ni koa vaini kiaro ta oma zariekou edolomu,” kiolake. Ni so keru se maba poso ke viqa keru ko ta eri kikelake, “Maba pui so!” kikelake.

Iruruputo 13:42

So keru Paula ni Banabasi qo vaeke keru se Jiu amu ko ilusato ko pade saizama maba poso ta ke taipazikake nioqa tu nioqata qo vaitou mata koko tovama Sabati ṉaniu kale tu nioqata qopa kai bazutou mata kama quli koa bazu kikolani.

Iruruputo 18:6

Melai seta ke vati bikoirikake ni ruqe kasevo ke evake vo, so sole vota o zavarukake voko sabosabo tu ota ka ṉamuko ko vuruvuru ko topi ama tu kasa oma iko seko bikoirivo vo Baṉara, ni eri kiolake sekasi, “Vo Baṉara ta o koqotaemelou me heli kale tea, me ṉavi me inio meko koqotailo ko raki mela! Ako aṉata lula a ereka aṉako sake mekasi sole aṉata pui aba kai kuiriziovou meko koqotailo. So sole erisaṉa azo aṉata a ziovou ni a bazubazutou se pui Jiu amu kasi,” kiolake.

Romu 10:19

Ni mata noni: Se Izireli amu ta pui kepa paqumuke koa Bazu kio? O ṉavi Mosese inio kuleto o kasekeni vo Baṉara kiovevo: “Aṉata a bitoevou kala pado utu ala toutou tu konoilo saṉa a imo a ṉaviko maba madu. Aṉata a bitoevou kala pado sarube ala toutou tu korakorailo saṉa a imo se.”

Romu 11:1

Noi nio, vo Baṉara ta o ṉamume ni o edolime o ṉaviko maba madu kio? Maba pui! Ako aṉa inio kala pado lala Izirelia lala sole, ni aṉa inio kala pado vo Ebarahami ko vikuvikula kalea lala, ni kala pado vo Benijimane ko toutou kalea lala sole.

Romu 11:12

Se Jiu amu ko bikoirato kale ta ko puratake vo Baṉara ko matuma mauruto peuru ma peuru kale, ni se Jiu amu kekai suatema matuma mauruto ta ke koe se pui Jiu amu. So sole animeta me qerukeruekou koa matu ti matuma mauruto ko purato ama animea kiada mela kasi so keru vo Baṉara o pakiemou keru se Jiu amu!

Romu 11:14

Esa komi kale inio aṉata viluloqu saṉa a imou se Jiu amu a ṉavi kale amu, nio kake ta ke roveovou pakio.

Romu 11:31

Erisaṉa se Jiu amu ta ke bikoiriva vo Baṉara, melai seta ke kovou voko roquano, ako meta me qoe voko roquano sole.