Romu 10:17 - BAṈARA KO VAIRU AMA LEVELEVEO

¹⁷ So sole maba poso ko oqu ta ko tanita ko Uri ama Bazu ko viqo kale, ni ko Uri ama Bazu ta ko kueva vo Karisito vai bazuto kale.

Romu 10:17 교차 참조

Maka 4:24

Ni vota mata eri kiolake sekasi, “Meta me uria kerukeruekou ko me mebe viqako quli! Ako sai meme baroloa koi meko kai mamuro kale koa bazu, sai nio mata meme baroloa koi meko kovo kale vo Baṉara ko mauruto. Ni vo Baṉara ta mata o katimelou mata kama nianiio koko topi tiniavo ama.

Luke 11:28

Melai Jisu ta o opatake ni eri kiolake, “Uri, melai sea maba poso ke maba maurumauruivani ta sea poso seke viqani ni ke zorikani vo Baṉara ko bazubazu!” kiolake.

Luke 8:11

Ni vo Jisu ta obeta olake pesio ni eri kiolake, “Komi kio koa podepodeti pesio ko kio ni kalo. Koa rui ta vo Baṉara ko bazu.

Luke 8:21

Nio Jisu ta eri kiolake sea kiadamu kasi, “Aṉako niania ni aṉako visi poso ta seke viqani nio vo Baṉara ko bazu ni ke zorikani ko inio,” kiolake.

Jone 1:37

Nio voko omuqa disaipeli kidi ta qo viqake voko so kio, ni nioqata qo zolaike ni qo luluevake vo Jisu.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Romu 10:14

Melai nonia paseko inio ke elou ko tauvezato se maba madu pui tuvevo ke ivou vo ta? Ni nonia tuvevo puto inio ke elou puliako viqo ko Uri ama Bazu? Ni nonia viqo inio ke elou ko bazu pui ko pikairiovou ta?

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

Qelesia 3:2

Sole meta lai bazuekomo aṉa: nonia vovo inio me eve me vo Tabu ala Auvana? Meta me voe voa Tabu ala Auvana meko lulueko kale Mosese ko Bazu, kio? Maba pui! Melai meko vovo vo Tabu ala Auvana ta meko viqo ni kai oqu kale vo Jisu ko Uri ama Bazu.

Qelesia 3:5

Meta paqumukomo ko vo Baṉara ko katimelo vo Tabu ala Auvana ni voko mela ereko aqasiele ama quli ta pui meko lulueko kale Mosese ko Bazu! Melai voko katimelo voa Auvana ni voko mela ereko koa aqasiele ama iruruputo ta meko viqo ni kai oqu ko Uri ama Bazu ko kio kale inio.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

Kelokelozato 1:9

Aṉa Jone lala mevo lotu tamania kalea lala, aṉata a zomanani lala me sase animeko omadeu vati elo kale vo Jisu koa olaquama saevo kale inobea tareko voko lekasa puo ko kilo. So inio aṉata ke noqoelake ni kepa vaelake Patimosi o ṉi sala udu kale ako aṉata lula aqai bazubazutani lala vo Baṉara ko bazu ni koa tuveano vo Jisu kasa o ikema sole.