Romu 1:30 - BAṈARA KO VAIRU AMA LEVELEVEO

³⁰ ni ruqe kasekinio, kanaekivo vo Baṉara, peripato, aikailo ni rauraraurailo; seta ke kerukerueka kubo keve tu seta ke ereko ko ruqe; seta ke bikoirima seko mama ni niania poso;

Romu 1:30 교차 참조

Matiu 15:4

Ako vo Baṉara ta eri kiola, ‘Ṉota taka paṉaovi ṉoko mama ni niania,’ ni ‘Vo o ruqe kaseko ala voko mama ni niania ta o vouvou.’

Matiu 16:21

Koa taku kale azo inio Jisu ta o taniekake mai uria bazubazueko o disaipeli madu voko talio, ni eri kiolake, “Aṉata a ziovou Jerusalema ni sai nio aṉata ke tolaelou kubo quli kale se lotu tanatanamu ni se raura kama siama madu ni Mosese ko Bazu kekai nianiiekatani. Ni seta ke vouvaelou aṉa, melai zouke ala ṉaniu kale inio aṉata mata a jaevou,” kiolake.

Luke 21:16

Meko niania ni mama ni visi ni kaka poso ni meko mabamu ni meko baerebaere poso ta ke melati ziovou ni ke vaemelou meko kana madu ko pizato kale. Ni kake mela me ta ke vouvaemelou,

Jone 7:7

ako se maba madu ta pui ke rovea melai kideipo me. Melai seta kelai kideipa aṉa, ako aṉata pui a lalamata tama kaseko seko ruqe ama kalo sole.

Iruruputo 5:36

Kerukeruekomo so keru Tiudasi kasa o eve keru, vo o raurarauraini ta vota matula maba kioveni, ni ariku paizana maba tiniavo ta ke luluevake vo. Melai vota ke vouvaevake ni seke lulueveni ta keta birebireike ni vo o erekema quli ta kota vouvake.

Romu 2:17

Noi nio ko me Jiu amu mela kimelani? Meta me zukaida inio vo Mosese ko Bazu tona nio meta mevai rauraiva vo Baṉara, kimela;

Romu 2:23

Meta meqai abarani mela meko ṉeamuko vo Baṉara ko Bazu, melai me inio mata me zaraevani mela vo Baṉara meko pui zoriko kale voko Bazu.

Romu 3:27

Anime lula sidopu me evani mela ta loma ikio animeta meqai raurailou? Pulia quli! Noni kale avo inio so? Animeta pulia quli meba kai raurailou, ako animeta sidopu me eva vo Jisu vai oqu kale sole, melai pui Mosese ko Bazu ko lulueko kale.

2 Koriniti 10:15

So sole eṉeta pui ṉeba kai rauraraurailou edolomu ko iruruputo vo Baṉara pui opa ṉelati soroekema eṉe. Melai eṉeko zario ta meta me rapukou meko oqu kale ni eṉeta ṉe roveovou ereko mata kubo iruruputo mekasi.

2 Koriniti 12:20

Aṉata ada ṉava aṉako barolo keru sai tu kelo kama edolovo elo meko, aṉa pui a mela zariani jari me, ni meta me qelou aṉako edolovo elo, pui meko aṉa la zario tu so jari a elo. Aṉata ada ṉava tu aṉata a qelou kama aivekinio ni konoekinio, korakorailo ni kiadailo, kama tirazo ni maba kai pesio, aikailo ni birebire elo.

2 Tesalonaika 2:4

Vota o matu kanaevou vo Baṉara ni o ṉavi ta ota rauraraurailou kiadama quli maba poso baṉara ka kikelako quli azo. Ni vota o amaqeovou komia miduku kale ama Jelepade vo Baṉara ko kale ni o papuvou sai tu okai rairiziovou ta vo inio vo Baṉara.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.

Jemisi 3:5

Omadeuvo so jari nio ko lenio, kota matu silo ama, melai kokale inio vo maba ta o rovea matu raurailo. Kerukeruekomo, ko matu silo ama urusana ta ko bainaeka ko matuma uza ko tabatabari ama siqo kale.

Jemisi 4:16

Melai erisaṉa meta meqai zoleiva meko nakanakati kai rauraraurailo ni aikailo. Koa rauraraurailo poso ta ruqe ama.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.