Romu 1:14 - BAṈARA KO VAIRU AMA LEVELEVEO

¹⁴ Aṉata aqa zaria soipimelo me, ako aṉata kama pado sake salala kiadama maba poso kasi komia pado ama peuru ma peuru kale amu.

Romu 1:14 교차 참조

Matiu 11:25

Nio koa taku keru inio Jisu ta eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani.

Luke 10:21

Ni koa taku kale Jisu ta ota matu zoleike vo Tabu ala Auvana kale, ni eri kiolake, “Mama, au ni miduku ko Lekasa ṉa! Aṉata a qaseka aṉako uriavo ṉokasi, ako ṉota lula kasa ṉoma ika se lezumato pide amu kasi ko quli ṉo ṉoda ma mutakako se nianiiomu ni seke lezumatani. Tuvevo Mama, ko ikio ṉoko zario tu kota so ko kalo ni ṉota ṉoqai zoleiva sole.

Iruruputo 22:21

Ni vo Lekasa ta eri la kiolake, ‘Ola, ako aṉata a joroeṉou matu vaṉa vasi se pui Jiu amu kasi,’ kiolake.”

Iruruputo 28:2

Ni koa udu kale ama maba poso ta ke ṉelati matu uria baerebaereake eṉe. Ni nioro ta kota tanitake pialo ni sanusanu kota evake, so sole seta ke bainaekake ko uza ni ke baroekiṉelake eṉea kiada ṉela.

Iruruputo 28:4

Nio koa udu kale ke evani maba poso ke kea keru koa dole kobeta soilako vo Paula ko ṉase topi nio eri kikelake ke ṉavio kude, “Koe, nea maba ta kala vouvato ko maba inio, vota pui opa voula ivere kale, melai sidopu ko baṉara poso ta pui kova zaria tu vota o saevou,” kikelake.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

Romu 1:22

Seko kerukeru kale ta seta nianiiomu inio kikela, melai seta sarube amu,

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 12:16

Meta kerukeruekiniomo muli. Meta pui rauraraurailo, melai paṉao kale ṉeamukomo meko koidi. Ni meta pui kai aikailo meko nianiio.

Romu 13:8

Meta vouvaekomo kiadama meko lipulipu, melai roquekinio ko lipulipu ta kobeta saevou kiada keru. Ako vo o erekani soama roquano ko keve ta o lulueka ko Bazu kikolani sole.

Romu 16:19

Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

Romu 8:12

A visi poso, animeta kama koidi samela, tu pui me lulueko ko tupu kale ama saevo koka zariako quli tu me ereko.

1 Koriniti 14:11

Melai aṉata pui a baqumukou koa pesio ko kalo tea, voa maba vo okai pesiani koa pesio ta kala pakepakeo maba aṉa kasi ni aṉa melai kala pakepakeo maba lala vokasi.

1 Koriniti 14:16

So keru ṉoṉo rauraeva keru vo Baṉara Tabu ala Auvana ko pesio kale, ta nonia zomano inio o elou kala maba tu vota so kiovo “Emeni” koa ṉoko uriavo ko vararaito kale, vo vairua kilo o evani meko padoilo kale? Ako vota pui okai nianiia ko quli ṉoṉo qasekako sole.

1 Koriniti 2:13

So sole animeta pui meqai bazubazuta koa vo o katimelo ama quli komia ruqe ama peuru ma peuru ko nianiio kale, melai vo Baṉara ko Auvana kale inio, so keru anime me zakaremu pueka keru voko Auvana ko tuveano se lula ke koani voko Auvana kasi.

1 Koriniti 3:18

Puliala maba ta opa lipailou o ṉavi. Kala me azo voko kerukeru kale ta nianiiola komia ruqe ama peuru ma peuru kale ama nianiio kale kiovou, uri tu vota sidopu o elou, komia ruqe ama peuru ma peuru kale amu sarube ka kikelako sidopu. So inio vota tuvevo avole nianiiola ota elou vo Baṉara ko kelokelozato kale.

2 Koriniti 10:12

Ako eṉeta pui ṉe male tu eṉeta ṉe mati podetio seke raurarauraivani. Ako seta sarube amu sole! Seta keka raurarauraiva ke ṉaviko iruruputo ni ke zarazaraeka edolomu ko iruruputo.

2 Koriniti 11:19

Ako meta nianiio mela sole, so inio meta mema zoleiva se sarube amu! Ma noi nio esa?

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

2 Timoti 2:10

so sole aṉata a noqoiva pataito kiadama tapata kale tu a dauvemo vo Baṉara ko maba madu, tu seta ke kovo ko pakio ni noqola kama ṉaṉaidara Jisu Karisito kasi.

Taitasi 3:3

Ako lulavo animeta sarubea mela, bikoirato ko maba mela, ni me jaruini mela. Animeta viluloqu me eve ni azaazama ni utube ama zoleilo me ereke. Ni me ṉamuke ko taku animeko ruqe ama iruruputo ni konoilo kale, ni se maba poso ta ke melai kaikuape anime ni animeta memai kaikuape se maba poso.