Romu 1:13 - BAṈARA KO VAIRU AMA LEVELEVEO

¹³ A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana.

Romu 1:13 교차 참조

Jone 12:24

Tuvevo avole aṉata a bazuemela me, vuiti ko sisu pui ko papailou miduku kale ni pui ko vouvou, ta omadeu pado sisu pala kobeta elou. Melai ko vouvou ta matu kubo sisu ko erekou.

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 4:36

Voa maba vo o kajorikani ko epa ta lula o tabaria, ni koa epa vo o kajorikake ta maba poso inio, se kekai barolo amu ko noqola kama saevo. So sole vo papato ko maba ni vo kajoro ko maba ta omadeu zoleilo qo elou.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 14:27

Ni so keru nioqa qo baroa keru sai Anitioko peuru kale nioqata qo padoemake kiadama lotu maba poso ni nioqata qomai bazuekake kiadama quli vo Baṉara o erekako quli nioqa kasi ni voko ma veuko se pui Jiu amu ko keve tu seta ke tuvevo puto.

Iruruputo 15:12

Ni koa pado ama padoilo kale ama maba madu ta pui ke kuṉubake so keru seke viqake keru Banabasi ni Paula qo kaseke keru kiadama aqasiele ama iruruputo ko bazu nioqako vo Baṉara o erekema nioqa kale kude se pui Jiu amu kasi.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 21:19

Ni Paula ta o saṉaemake se ni vota o supitikake kaseko kiadama quli vo Baṉara o imaniavo se pui Jiu amu o ṉavi voko iruruputo ko taku kale sekasi.

Iruruputo 28:14

Sai nio eṉeta ṉe meake kama lotu maba madu seke taipaziṉeleni eṉe, ni eṉeta ṉe evake sekasi sai omadeu vuiki. Ti sai kazo eṉeta ṉe luluekake ko matu keve tu ṉe barolo Romu peuru kale.

Romu 1:12

Ko aṉa so ka kialake quli ta omadeu tauvekinio me elou, me ni aṉako oqu kale.

Romu 11:25

A visi poso, ikoana kama pado mutamuta kama tuveano ko aṉa a mela zariako me tu kai nianiio, ako me baqumukou ko inio pui meqai abarou meko nianiio. Eri nio koa mutamuta kama tuveano; se Izireli amu ko pikipikinio puto ta pui noqola kama kopa elou, melai kota ko epezou so keru sea poso se pui Jiu amu ke kilo amu vo Baṉara kasi ke okotou keru.

Romu 7:1

Me aṉako tamania kalea mela, meta me uria paqumukou aṉa a qaseko ama quli, ako mea kiada mela ta me baqumuka sole ko bazu. Maba poso ta ke eva ko bazu ko poro kale se kebeta saeva keru pala.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

1 Koriniti 10:1

A qaka ni visi poso mela, aṉata a mela zaria me tu meta me qerukeruekou ko quli koko ereima quli se animeko taite poso kasi seke lulueveni vo Mosese. Sea kiadamu inio ko odiemake ko lei ni sea kiadamu inio uria pakeko ke eve koa Diri ama Ivere ni keta pakiake.

1 Koriniti 12:1

Zio, ko quli meme rikiekema azaazama iruruputo ko pizato kale avo Tabu ala Auvana kasi azo ko kuevako. Aṉata a mela zaria me a qaka ni visi poso mela tu kai nianiiomo.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

1 Koriniti 14:26

So sole eri nio, a qaka ni visi poso mela. So keru meme doraekinia keru ilusato keru kala pado maba ta okai keraova ilusato ko kera, kala ta o nianiiekata, kala ta okai bazuta ko quli vo Baṉara kasa ova ikako, kala ta okai bazuta ko pui ko paqumuako pesio kale ama bazu, kala ta o pepelika koa bazu kikolani. Meta erekomo kiadama komi quli lotu qoqono ko tauvemo ama keve kale.

1 Koriniti 9:2

So sole esa kake ta pui kepa tuvevo puekou ko aṉata kala apositolo lala inio kio, melai meta me male tu matu tuvevo iko aṉako apositolo elo. Ako meko omadeu elo kale animevo Lekasa Jisu sase me ṉavi ta kasa me ika koa aṉata kala apositolo lala inio kio.

2 Koriniti 1:8

Ako eṉeta ṉeqa zaria tu ṉe melai kerukerue me, eṉeko kaka ni visi poso mela, koa tapata eṉe lula ṉe doraekako Eisia peuru poso kale. Koa matuma tapata ta kokai paloase eṉeko pizato ko baroakoi, nio eṉeta pui ṉeba saevoa ṉela inio kiṉelake.

2 Koriniti 2:14

Kala solodia madu vo kuleto ala ta o rajaema piripiri ama kana poso peuru kale tu kasa oma iko se maba poso voko koqo imo voko kana madu. So jari nio vo Baṉara ta kasa o ika voko koqo imo voko kana madu eṉeko omadeu vati elo kale vo Karisito. Ni se siama madu ta ke lulueva sea solodia madu vo kuleto ala siqaekole ko bube tu ke puratiko seko kai zoleilo voko koqotaemo. So jari nio eṉeta ṉe olani ṉela kiadakoi kai bazutole vo Karisito ko Uri ama Bazu tu ṉe buratiko eṉe kai zoleilo vo Karisito ko koqotaemo voko kana madu. Aṉata a ilusiva vo Baṉara,

Qelesia 3:15

A visi poso, aṉata a qatimelou me kama pado podepodeti animeko kiada keru ama saevo kale ama, ko eri. Kainioqa ta qo erekou nioqako leveleveo ni qo vinaekou, ta puliala ta opa roveovou biresuko ni kati paquliko mata kama quli.

Qelesia 6:18

A qaka ni visi poso, aṉata a melati vararaita me tu animevo Lekasa Jisu Karisito ko pakiezato sama roquano ta ko elou meko saevo kale. Emeni.

Pilipai 1:22

Ni aṉata abeta saevou, ta aṉata ava iruruputou vo Lekasa. Melai loma quli kio aṉata a bitoekou? Saevo ma vou aṉata pui aqai nianiia.

Pilipai 4:17

Ni tuvevo avole aṉako so kio ta pui aqai zariako ikio kovo kama puaro. Melai aṉata aqai zaria tu meta uri ama ṉi saṉa me elou ko quli meme erekako quli kale.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Kolosi 1:6

Ko Uri ama Bazu ta ko kati kueva ko mauruto ni ko aera peuru ma peuru, omadeuvo kota ko aere jari me tona koa taku keru azo, me kuleto me viqe keru ni me uria paqumuke keru vo Baṉara ko pakiezato sama roquano.

1 Tesalonaika 2:18

Eṉeta ṉeqa matu zariani ṉela inio tu ṉe vaito mekasi. Aṉa a ṉavi nio lula kubo taku a madoekani lala tu a vaito, melai vo Setani ta o tizaeṉele eṉe.

1 Tesalonaika 4:13

Ṉe visi ni ṉe qaka poso mela, eṉeta ṉe melai zaria me tu meta meqai nianiiovou koko tuveano se lula ke vouvani seko lotu saevo kale ko, tu meta pui duki me elou, se pui kekai zuatani ko aukale ama saevo jaria duki elo kale.

2 Tesalonaika 2:7

Ako mutamuta kama ta lula kota ereiva ko ruqe sole, melai ikoana voko tizaevako voa matu ruqe ala maba. Ni kota ko tizaevou ti kobeta barolou koko taku tu ko epezou.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.