Romu 1:12 - BAṈARA KO VAIRU AMA LEVELEVEO

¹² Ko aṉa so ka kialake quli ta omadeu tauvekinio me elou, me ni aṉako oqu kale.

Romu 1:12 교차 참조

Iruruputo 11:23

Ni so keru vo o baroi keru sai vota o keake vo Baṉara o imania mauru imo se maba poso, sole vota ota zoleike ni omai titiake se tu seta pataitole kevai oqu vo Lekasa seko pado ama bulo poso kale.

Romu 1:11

Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me.

Romu 1:13

A visi poso mela, aṉata aqai zaria tu melai bazueko ko eri, aṉata aqa zariani lala inio kilo soipimelole me, tu aṉako iruruputo ta ko epamatou mekasi, omadeuvo kota lula ko epamata jari se pui Jiu amu kasi. Kubo taku aṉata aqa zaria soipimelo me, melai koko noqoelako quli aṉa ta ikoana.

Romu 15:24

so sole erisaṉa aṉata aqa zaria kilo. Aṉata aqa zaria mela lelo me so keru aṉa Sipeini peuru kale a ziovou keru, tu aqai zoleilou meko soipimelo puju ama taku kale. So inio aṉata a qovou ko tauvezato mekasi aṉako ziokale sai.

Romu 15:32

So inio aṉata a qilou zolezolea lala mekasi, ni kota vo Baṉara ko vatolo ko elou ta, koa soipo ta ko pizatimelou anime ni zolezole ama kota elou anime kasi.

2 Koriniti 7:13

Ko ikio eṉe ko zuvariṉelako. Ni eṉeko zuvario ko topi tiniavo ikio mata vo Taitasi ko zoleilo ta ko matu zoleṉelake eṉe. Ako vota o ṉelai bazuekake ko mea kiada mela ta me zuvarivake vo sole.

Epesasi 4:5

Ni omadeu pado inio animevo Lekasa, ni animea kiada mela ta mevai oqua vo, ni animea kiada mela ta bapitaiso me eva voko ṉikale.

2 Timoti 1:4

Aṉata a qerukerueka ṉoko deumu, ni aṉata aqai matu zaria tu ṉelo ṉo, so inio aṉata a zoleilou.

Taitasi 1:4

Aṉata a rikita ṉo Taitasi ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Pakio ta o katiṉou ṉo voko pakiezato sama roquano ni bule.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

2 Jone 1:4

Aṉata ada matu zoleike, so keru amai nianiiovi keru kake ṉoko meqora poso seke luluekani tuvevo ama bazu seko saevo kale, ako so inio animevo Mama o melati soruekani sole.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.