Qelesia 6:2 - BAṈARA KO VAIRU AMA LEVELEVEO

² Meta tauvekiniomo meko tapata poso keru. Ni meta so me qalou, inio meta tuvevo avole me zorikou vo Karisito ko bazu.

Qelesia 6:2 교차 참조

Matiu 8:17

Voko ereko kale koa iruruputo ta vo poropita Aisea kiovevo ta tuvevo ko evake ko eri kikovema, “O ṉavi nio ota mela ṉamukou kiadama animeko vere poso,” kikovema.

Luke 11:46

Ni Jisu ta o opatake ni eri kiolake, “Matu ruqe ama quli kio ko melai barolou me, mea Mosese ko Bazu meqai nianiiekatani mela! Ako meko kati paquliko kale me ṉaviko bazu poso vo Baṉara ko Bazu, meta me zuruzuruema se maba poso tu ke zoriko matu tapata kama bazu poso omadeuvo matuma bouro memai ivika seko momo topi jari, melai meta pui meqai zaria totoziko meko omadeu pado seseu tu meta memai tauveko zoriko koa bazu poso!

Jone 13:34

Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli.

Jone 15:12

Komi ta aṉako bazubazu, meta matu roquekiniomo muli, omadeuvo aṉata a matu roquemela me jari.

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 9:21

Koa omadeuma keve kale, so keru aṉa abeta iruruputa keru pui Jiu amu sase, aṉata se pui Jiu amu jaria elo a eva, aṉako pui lulueko kale Mosese ko Bazu, tu aṉata a lilimo se pui Jiu amu. Komi ta pui kota la epezikako ikio ko aṉako tava zoriko vo Baṉara ko Bazu. Melai aṉata a lulueka vo Karisito ko Bazu tu a lulueko Baṉara ko Bazu.

Qelesia 6:5

Ako kalakala o ṉavi nio o borikou sole o ṉaviko bouro.

1 Tesalonaika 5:14

Eṉeko visi ni kaka poso mela, eṉeta ṉe basemela me tu meta balauvimomo se utu elo ke evani, ni zuvarimomo seke ṉavani, ni tauvemomo se lekuleku amu seko oqu kale, ni inobe emo kiadama maba poso kasi.

Jemisi 1:25

Melai vo o vinaivani sidopu ama bazu kale, maba poso ko rupasimako, ni vo pui o lalamatani ereko ko, ni pui o utu viqani ni o ukaka puekani, ni vo okai iruruputani, vo inio voa maba vo Baṉara mauru o ivo ala vo o erekako quli kale.

Jemisi 2:12

Meta uria pesimo uri ama kalo sate, ako meta maba madu ko rupasimako bazu kale inio me ditiziovou sole.

Jemisi 2:8

Meta me zorikou tuvevo avole vo Baṉara ko lekasa puo ko bazu, koko kaseivako Tabu ama Riki kale, ko eri, “Meta roquemomo kiadamu omadeuvo me ṉavi me roquiva jari,” ko ikio ko sidopu ko ereko.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

2 Pita 2:21

Pui kepa kai nianiiovi ko sidopu ko keve tea uri. Melai kekai nianiiovi saita inio ke vaeke ko tabu ama bazu koko katiziovima sekasi ta maba pui uri sole.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

1 Jone 4:21

Ni o ṉavi Jisu inio o katimele anime komia bazu, eri kikolako: vo o roquevo ala vo Baṉara ta mata o roquevou vovo lolo.