Qelesia 5:7 - BAṈARA KO VAIRU AMA LEVELEVEO

⁷ Meta matu uria zio mebeta eve meko vai oqu vo Karisito meko matuma madolo kale, sole lala inio o dokolimele meko lulueko kale ko tuvevo ama keve?

Qelesia 5:7 교차 참조

1 Koriniti 9:24

Tuvevo meta memai nianiia kubo rereo ko maba madu ta kekai zomana ko rereo voziekinio, melai kala pado se azo inio o koani ko tabara. Sole meta soa saevo emo tu meta me qovou ko tabara vo Baṉara kasi azo ama!

Qelesia 3:1

Me sarube ama Qelesia mu mela! Meta kake inio kebe matu uria lipalipaemela! Ako meta mebe uria viqeni mela inio sole vo Jisu Karisito o erekema quli voko voukale korosi topi.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

Matiu 13:21

Melai ko bazu ta pui ko matu saqora seko kerukeru kale, sole pui tu ko keuva. Nio tapata ni naqunaquto komai baroa keru koa bazu kale avo seta ke vaeka seko oqu.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

Romu 16:26

melai erisaṉa inio kota kasa kota eva se poropita madu ko riki poso kale, ni vo saevola Baṉara ko soru ko lulueko kale kota lula zakaremu komai eva kiadama peuru ma peuru kale ama qoqono poso, tu kiadamu ta ke tuvevo puto ni ke zoripato.

Romu 15:18

Aṉata aqai matu velavelaovou ko quli pala vo Karisito lula o erekako aṉa kale kude tu o odiemo se pui Jiu amu tu ke zorivo vo Baṉara. Vota lula o ereka ko quli pesio ni iruruputo kale,

Romu 10:16

Melai pui sea kiadamu ke zorikake koa Uri ama Bazu. Aisea kiovevo jari, “Baṉara, lala inio lula tuvevo o ika eṉeko bazu?”

Hiburu 11:8

Vo Ebarahami ta ovai oqui vo Baṉara ni vota o zorive vo so keru vo Baṉara o nokaeve keru tu vota o tanito talio tu o zio kama pado peuru kale vo Baṉara o kativo ama ka kiolako tu vota o ṉeamuko ko. Vota o vaekake voko ṉisa peuru kai nianiio pideakoi sai vo o ziovoa koi ka kiolakoi.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Qelesia 2:2

Aṉata a olake sai, ako vo Baṉara ta o bazuelake sole tu aṉata a zio. Nio aṉata a doraemake ṉe qiadakoi se lotu qoqono ko vilua pikopiko madu, ni aṉata amai bazuekake koa Uri ama Bazu, ko aṉa aqai bazutako se pui Jiu amu kasi. Ako aṉata ada ṉake sole ta esa seta pui omadeu kerukeru ke lati eva aṉa, ni aṉako iruruputo lula a erekema ni abe erekako erisaṉa ta utu ama kiala sole.

Qelesia 5:10

Melai aṉata avai kerua vo Baṉara ta meta pui mata kama edoloma kerukeru meba luluekou. Ni vo Baṉara ta o koqotaevou voa maba vo niuniala o imelani me, kala obe elou ta.