Qelesia 5:1 - BAṈARA KO VAIRU AMA LEVELEVEO

¹ Vo Karisito o rupasimelo anime tu animeta meqai saevo koa ruparupasi. So sole meta piza kavole lojomo ni pui mata vo Mosese ko Bazu ko mabaku me elou.

Qelesia 5:1 교차 참조

Matiu 23:4

Ni seta ke zuruzuruema maba poso tu ke zoriko matu tapata kama bazu poso omadeuvo matuma bouro kema ivika seko momo topi jari, melai seta pui ke tauvema se.

Luke 5:38

Kota pui so ko kalou! Ko vairu ama vaini ko ju ta ko raibiziovou uria vairu ama teamuteamu kale!

Iruruputo 15:10

Noi sole inio meta meqa zaria meomeovo vo Baṉara meko mai sakeko kale ko duki ama bouro seke tuvevo putani, ko anime ni animeko taite poso pui meba roveovima boriko?

Romu 6:14

Koa sarueko ta maba pui ko lekasa puilou meko saevo kale, ako meta pui bazu ko poro kale me evani mela sole, melai meta me eva vo Baṉara ko pakiezato sama roquano kale.

Romu 6:18

Meta lula meda rupasia sarueko kale azo ni erisaṉa meta lula ko sidopu ko mabaku meda eva.

Romu 7:3

So sole kota ko elou kala edolola maba kasi so keru kovo lasive obeta saeva keru, ta kota kota pauvezata inio; melai so keru kovo lasive lula o vouva keru koa reko ta ruparupasi ama ikio koa bazu kasi azo, ni kota pui ko pauvezata so keru koko raeva keru kala edolola maba.

Romu 7:6

Melai erisaṉa animeta ruparupasia mela ko Mosese ko Bazu kasi azo, ako animeta lula meda vovi koa Bazu, koko piriemelema anime kale azo. Melai erisaṉa animeta pui mevai nabuluputa vo Baṉara koa lulama Bazu vo Mosese o rikiekema kale, melai vairu ama keve kale kude vo Tabu ala Auvana kale.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

Romu 8:2

Ako vo Tabu ala Auvana ko bazu, ko anime omadeu saevo ko imelako vo Jisu Karisito sase, ta lula ko rupasile aṉa sarueko ni vou ko bazu kale azo.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

1 Koriniti 16:13

Vailomo ni pizaka lojolo emo meko vai oqu kale vo Lekasa Jisu, parani putomo ni pizatomo.

1 Koriniti 7:22

Ako kala mabaku vo Lekasa Jisu lula o nokaevani ta kala ruparupasi ala vo Lekasa vo maba, ni so jari nio vo ruparupasi ala maba vo Karisito lula o nokaevani ta vovo mabaku.

2 Koriniti 11:20

Ako meta me zarieva kala vo me mabaku o imelani me, ma kala maba vo o ubeubemelani me, ma kala maba vo o vimazio puemelani me, ma kala rauraraurailo ko maba, ma vo ota mela pazokani meko loilo.

2 Koriniti 3:17

Zio nio “Lekasa Baṉara” kio komia tiromo kobu kale ta vo Lekasa Jisu kio kio ko so, vo o soroevani vovo Tabu ala Auvana, ni kala maba vo animevo Lekasa vo Tabu ala Auvana sala ta lula ota rupasia koa lulama leveleveo ko lulueko kale azo.

Qelesia 3:25

Ni erisaṉa ko oqu ko kalo ta ko ṉelai baroa ni eṉeta pui vo Mosese ko Bazu ko vima ṉe evani ṉela.

Qelesia 4:26

Melai ko aukale ama Jerusalema ta koa reko Sera jari, ko pui mabaku ama, ni animeta koko meqora poso mela, pui mabakua mela.

Qelesia 4:31

So sole a qaka ni visi poso, animeta pui koa mabaku ko meqora poso jaria mela, melai animeta koa maba reko ko meqora poso jaria mela.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Epesasi 6:14

So sole meta pizaka lojolo emo tuveano kale, ni kota tonaviso jari ko meqai bibuliako meko sipo topi. Ni meta sakekomo ko sidopu ama saevo meko dumidumi topi.

Pilipai 1:27

Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

1 Tesalonaika 3:8

ni eṉeta ṉeda matu zoleiva ako meta pizaka lojo me eva sole meko omadeu vati elo kale vo Lekasa Jisu.

2 Tesalonaika 2:15

So sole me, ṉe visi ni kaka poso mela, meta pizaka lojolo emo ni noqoekomo ko tuvetuve ama quli ko eṉe lula ṉe melati nianiiekikako me, eṉeko bazubazuto kale, ni so jari eṉeko rikito kale.

Hiburu 10:23

So sole animeta pizaka lojo me elou ni animeta me noqoekou animeko keru ko meqai tarekako quli vo Baṉara o ereko ama quli tu anime kaqe. Ako Baṉara ta lula o mela inainaeka anime tu vota o erekou o kasekema quli, sole ko male tu animeta mevai oqu vo.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 4:14

So sole animeta pizaka noqoe me elo ko oqu ko anime me ṉeamukako. Ako animeta kala Matu Ṉisa Siama samela sole, vo o koivini aukale Baṉara ko tanama kale, ni voa animevo Matu Ṉisa Siama inio vo Jisu, vo Baṉara vo Meqora.

1 Pita 2:16

Ni meta saevomo ruparupasi ama maba poso jari; melai meta pui eri kimevou, “Eṉeta ruparupasia ṉela, so sole ṉe rovea ereko ko ruqe.” Melai meta vo Baṉara ko mabaku emo.

2 Pita 2:19

Ni seta leveleveo ke mati ika ko rupasio melai ke ṉavi ta pui ke rupasia ko quli koko niumaemo ama quli kasi azo, ako vo maba ta mabaku oka eva sole ko quli vo o lekasa puekako quli voko saevo kale.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.

Kelokelozato 2:25

melai meta pizaka noqoeko emo ko me lula me noqoekema quli ti kobeta barou aṉako kilo.

Kelokelozato 3:3

So sole kerukeruekomo koa nianiiekato ko me lula me viqema ni me ṉeamukema. Meta zorikomo ko ni liliziomo meko sarueko poso kale azo. Ako meta pui me doiratou nio aṉata ota podolo kilo a melai elou vo kuilokuilo ala maba jari, ni meta maba pui meba kai nianiiovou koa taku so keru aṉa a qilou keru mekasi sole.