Qelesia 4:8 - BAṈARA KO VAIRU AMA LEVELEVEO

⁸ Ni koko paloasako taku kale meta pui meba vai nianiiovi vo Baṉara ni meta se lipalipa kama baṉara poso ko mabaku mela.

Qelesia 4:8 교차 참조

Jone 1:10

Voa Bazu ta o evake peuru ma peuru kale, ni Baṉara ta o erekake ko miduku vokale kude, melai sea maba madu ta pui kevai nianiiake vo.

Iruruputo 14:12

Ni seta kevai nokaekake Ziusi ṉi vo Banabasi, ni Paula ta Hemusi ṉi kevai nokaekake, ako vo inio vo o matu pesipesitani sole.

Iruruputo 17:23

Ako aṉata a dalia meko peuru kale ni lula a qea koa zae poso meme ilusikakoi azaazama baṉara poso, ni lula a qea ko sara ko eria rikizio ko evema, ‘Vo puliala ovai nianiiani baṉara kasi’. So sole vo me pui paqumuvole melai mebe ilusivani, vo inio aṉa a melai bazuevani me.

Romu 1:23

ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.

Romu 1:28

Seta ke vaeva kerukeruevo vo Baṉara, so sole vo Baṉara ta omai luavika koa ruqe ni kaido ama kerukeru tu seta ke ereko ko quli ko se pui koma zariziako tu ke ereko.

1 Koriniti 1:21

Ako o ṉavi Baṉara ko ṉisa nianiio kale vota o tizaemake sea maba poso tu seta pui kevai nianiio vo koa seko nianiio kale. Pui koa nianiio seko kale melai koa bazu ko anime meqai bazubazutako kale, ko se sarube ama ka kikelako, kokale inio vo Baṉara ta lula o pitoeka tu o pakiemo seke tuvevo putani.

1 Koriniti 12:2

Meta me baqumuka so keru me kutumana mebeta eva keru, meta me odiziovi kama pizato kale tu me ilusiko ko saevo pide ama beku poso.

1 Koriniti 8:4

So sole koa sailao beku poso kasi ko katiziako ko kuo kale avo: animeta meqai nianiia ta koko tuveano ta vo beku ta puliala quli; ni me baqumuka ta omadeu Baṉara o kiada inio inovoana.

Qelesia 4:3

Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Epesasi 4:18

ni seta pui ke paqumuka ni pui ke mamura ako seta pui kekai zaria didiano sole. So inio seta pui kepa kovou koa saevo vo Baṉara okai zariako katimo.

1 Tesalonaika 1:9

Kiadama sea maba poso ta ke kaseka meko ṉeamuṉelo eṉe so keru eṉe ṉe joipimele keru me, ni meko ṉamuko meko beku poso tu mevai nabuluputou vo tuvevo ala ni saevola Baṉara,

1 Tesalonaika 4:5

ni pui pazapazailo ko kerukeru sate, omadeuvo se kutumana kamu jari se pui kevai nianiiani vo Baṉara.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

1 Pita 4:3

Ako lula koko paloasako taku kale meta me niumaeke matu kubo taku kutumana kamu ke erekako kalo kale. Meta meqai ṉamuke ko taku ko pauvezato, ni tupu kale ama viluloqu, ni kiada keru me japosapoita ko piza kama ju. Ni meta me ereke ko olavo ama ni ruqeruqe ama kalo ni me ilusike ko beku meko kuvaruvaru ama kalo kale.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.