Qelesia 4:4 - BAṈARA KO VAIRU AMA LEVELEVEO

⁴ Melai so keru koa tutututuki ama taku ko baroi keru inio vo Baṉara ta o soroevake o ṉavivo Meqora, ni voa Meqora ta o alilake rekoreko kale ni o zorikake vo Mosese ko Bazu voko saevo kale.

Qelesia 4:4 교차 참조

Matiu 1:23

“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”

Matiu 3:15

Melai vo Jisu ta o vati tiorikake vo ni eri kiolake vokasi, “Komia taku kale ta vaeka tu so ko kalo tu aniqeta qe korotiko vo Baṉara oka zariani tu qe ereko,” kiolake. So sole vo Jone ta o opatikake vo Jisu ko zario.

Matiu 5:17

Ni vo Jisu ta obeta olake bazubazuto, ni eri ma kiolake se, “Pui kerukerueko ta aṉata a queva tu sebiekole vo Mosese ko Bazu ni se poropita madu ko nianiiekato. Aṉata pui a queva tu epezikole ko melai aṉata a queva tu se kikevevo ta tuvevo ko elou.

Maka 1:15

Ni eri kiolake, “Ko tutututuki ama taku ta kobeta kueva, ni vo Baṉara ko lekasa puo ta sipole! Tu meta liliziomo meko ruqe kale azo ni tuvevo ikomo ko Uri ama Bazu,” kiolake.

Luke 1:31

Ṉota epia ṉo elou ni ṉo alilivou kala lasive meqora, ni ṉota ṉovai nokaekou o ṉi ta Jisu.

Luke 1:35

Nio vo mateana ta o kati tiorikake ko ni eri kiolake kokasi, “Vo Tabu ala Auvana ta o kilou ṉo tona, ni vo Baṉara ko pizato ta ko bouluṉou ṉo. Komia kalo kale inio voa tabu ala salua ta vo Baṉara vo Meqora kovai nokailou.

Luke 2:7

Nio kota ko alilivake kovo ito ala lasive meqora, ni kota ko sudevake rosi ama suma kale ni ko tekuevake bianabiana poso ko vuatakoi—koa mamazo ko pade ko poro kale ta puliama nioqako zae tu qo amaqeo ni qokai elo sole.

Luke 20:44

“Devita ta voa Pakio inio vovo Lekasa va kioveni, sole noi nio vota o alilou Devita ko koilokoilo kale?” kiolake.

Jone 1:14

Ni voa Bazu ta maba o evake, ni vota o loivake eṉe kasi. Ni eṉeta ṉeda va keve voko ṉaṉaidara ko kokai sukatema ko roquano ni tuveano. Ko ikio koa ṉaṉaidara vo Mama vo pado Meqora okai evema.

Jone 10:36

So sole aṉa kale avo, vo Mama ta o pitoele aṉa ni o soroele aṉa peuru ma peuru kale. Sole noi nio meta eri kimela aṉata a ruqe kaseva vo Baṉara kimela, aṉako aṉata Baṉara vo Meqora lala kio kale?

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 8:42

Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.

Iruruputo 1:7

Nio Jisu ta o mati tiorikake se ni eri ma kiolake, “Ko taku poso ni ko ereilo ama quli ko ṉaniu poso ta o ṉavi Baṉara ko vatolo kale inio o korotikou, so inio pui ko male tu meta meqai nianiio ko quli ko ereilo ama quli.

Romu 1:3

Koko raki komia Uri ama Bazu ta vo Baṉara vo Meqora animevo Lekasa Jisu Karisito ikio. Vo maba jaria ereilo ni alilo o eveni vo Devita ko vikuvikula kale,

Romu 15:8

Ako aṉata a bazuemela me, ta vo Karisito ko saevo kale ama nabuluputo kale, vota nabulu oma eve se Jiu amu, tu kota kasa ko ivo vo Baṉara ta kerula kala kio, tu voko leveleveo seko taite poso kasi ama ta tuvevo ko elo,

Romu 5:6

Ako so keru anime pizato pidea mela me eve keru, inio Karisito ta o mela vovi anime ruqea mela koa taku vo Baṉara o pitoekema kale.

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 9:5

Seta se Hiburu qoqono ko taite poso ko vikuvikula kale amu inio, ni seko vikuvikula kale inio vo Baṉara o soroeveni Pakio ta o puratake. Animeta me ilusivou vo raura kala Baṉara vo o kati vailani kiadama quli latau ṉaniu ni ka ṉaniu. Emeni.

Epesasi 1:10

Ni vota o vatoeke tu kiadama quli vo o erekema quli aukale ama ni miduku kale ama ta omadeu o ikou ni vo Karisito inio koko lezu. Ni voko zuato ta o erekou komia vatovatolo tutututuki ama taku ko barolou keru.

Kolosi 2:14

Lulavo animeta kuiripato samela, ako animeta me bikoirike Baṉara ko bazu poso sole ko anime kuiripato saṉa ko imelema. Melai vota ota mela maba saqaeke koa sarueko poso vo Karisito kai patoilo ni voukale korosi topi.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

1 Timoti 3:16

Puliala maba ta opa roveovou taka zolio ko animeko oqu ko omele ama tuveano ta matu saqoroma, ko eri: Vo Karisito ta kasa o eve maba ko tupu tona, Tabu ala Auvana ta ota vai bazute voko tuveano ta vo inio animevo Lekasa, ni mateana madu melai ke veake vo. Vota lula kevai bazubazute peuru ma peuru, ni vota tuvevo ke ive peuru ma peuru, vo Baṉara o koivieveni aukale ama peuru kale.

Hiburu 2:14

Anime vo sasarusu mela mela kiolani mela, ta me jaevani mela marabau ni dara kale, so sole o ṉavi Jisu ta anime jaria maba o evake ni okai saevake ko tupu kale ama saevo. Vota maba o evake tu voko voukale ta o niumaevo vo Setani, vo vou ko pizato sala.

Hiburu 9:10

Koa katizato poso, ni siqasiqa poso, ni mata sailao ni ju ni lomaloma ko bulebule iko ko bazu, ta tupu kale ama quli ko bazu vo Baṉara o puarikema puju ama taku kaqe pala ni kota kota paita voko besieko kale kiadama quli.

1 Jone 4:14

Ni eṉeta ṉe qeve ta vo Mama ta o soroeve vovo Meqora tu o pakiemo se peuru ma peuru kale ama maba poso. Ni ko ikio eṉe ṉemai nianiiekikako quli.

1 Jone 4:2

Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.