Qelesia 4:3 - BAṈARA KO VAIRU AMA LEVELEVEO

³ Ni anime melai so inio lula animeta se meqora poso jari. Puliako Karisito kilo animeta mabaku jari me evake animeko vai nabuluputo kale vo Baṉara piza kama bazu poso ko lulueko kale.

Qelesia 4:3 교차 참조

Matiu 11:28

Kuemo mea kiada mela aṉa kasi, meme jairokani mela meko boriko meko duki ama bouro poso, tu aṉata a qatimelo ko mamazo.

Jone 8:31

So sole Jisu ta eri kiolake se Jiu amu kasi seke tuvevo puekeni voko pesio, “Meta tuvevo avole me zorikou aṉako nianiiekato inio meta aṉako tuvevo ama disaipeli poso mela me elou,

Iruruputo 15:10

Noi sole inio meta meqa zaria meomeovo vo Baṉara meko mai sakeko kale ko duki ama bouro seke tuvevo putani, ko anime ni animeko taite poso pui meba roveovima boriko?

Romu 7:14

Animeta meqai nianiia ko Mosese ko Bazu ta auvana ko quli kio; melai aṉata kala maba lala tupu kale a jaevani lala, ni lula sarueko ko mabaku a evani lala.

Romu 8:15

Ako koa Auvana vo Baṉara lula o puarikema mekasi ta pui ṉalo ko mabaku ko imela, melai kota o ṉavi Baṉara ko meqora poso ko imela me, ni koa Auvana ko pizato kale inio animeta mevai zaivota vo Baṉara ni eri kimela, “Mama, a Mama!” kimela.

2 Koriniti 11:20

Ako meta me zarieva kala vo me mabaku o imelani me, ma kala maba vo o ubeubemelani me, ma kala maba vo o vimazio puemelani me, ma kala rauraraurailo ko maba, ma vo ota mela pazokani meko loilo.

Qelesia 3:19

So sole loma quli kaqe inio vo Mosese ko Bazu? Kota eri nio. Koa Bazu ta ko katiziovi anime kasi tu ko mela kaseko ko saruilo anime me erekako. Ni kota pizato saṉa kobeta evake ti kobeta baroi voa pado Ebarahami vo vikuvikula kale ala kasi vo Baṉara o kaseveni. Ni se mateana madu inio ke koeni koa Bazu ni se inio ke kativeni vo Mosese vo oma pesiovini maba madu ni vo inio o katime koa Bazu. Sole Mosese ta kala tianiala maba o eve.

Qelesia 4:2

Ni so keru voko silo ala keru, vota o zorimou se vo ke vati vailani. Melai so keru nea meqora o rapukou keru ni okai barolou keru koa sabere vovo mama ova kasekema inio o rupasiovou.

Qelesia 4:24

Ni komi ta ko ereka ka pado mudalidali anime kasi. Ako nioqia omuqa rekoreko ta omuqa piza kama korokoroti Baṉara ni maba ko tiania jari sole. Ni omadeu piza kama korokoroti ta vo Baṉara ko Bazu Mosese o kativema Sainai sopu kale. Ni sea maba poso komia Bazu kale ke saevani ta mabaku madu. Ni koa niania Heqa mabaku ama ikio ko mamola pueka koa korokoroti.

Qelesia 4:25

Sole kota Sainai sopu jari Arebia ni kota mata ko mamola pueka komia miduku kale ama Jiu mu ko matu peuru Jerusalema. Ako Jerusalema matu peuru ta mabaku niania jari, ni saizama maba poso Jiu mu ta koko mabaku meqora poso jari, vo Mosese ko Bazu ko mabaku madu.

Qelesia 4:31

So sole a qaka ni visi poso, animeta pui koa mabaku ko meqora poso jaria mela, melai animeta koa maba reko ko meqora poso jaria mela.

Qelesia 4:8

Ni koko paloasako taku kale meta pui meba vai nianiiovi vo Baṉara ni meta se lipalipa kama baṉara poso ko mabaku mela.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Kolosi 2:20

Ako meta lula omadeu me eve Karisito sase, voko voukale, so sole meta lula me vouva vo sase jari. Sokale avo inio meta lula ruparupasia mela ko azaazama auvana poso kasi azo. Nio noi sole inio meta komia peuru ma peuru kale ama maba poso ke kavani jari mebeta kava? Soama kalo ta pui ko malezika mea lotu maba poso mela kasi. Noi sole inio meta me lulueka se maba poso ke melai bazuekako tabu poso,

Kolosi 2:8

Balauvomo, tu puliala maba ta o melai nianiiekikou kama utube ama quli, maba ko quli pala, ni pui o lipaemelou me ni pui o saruemelou me, ako koa nianiiekato ta maba poso kasi azo ko vikuako, vikuvikula bazu kasi azo koko bikoirikako vo Baṉara ko bazu, ni ko kuevako peuru ma peuru kale ama azaazama ziolo poso kasi azo, kota pui Karisito kasi azo.

Hiburu 5:12

Erisaṉa meta lula ko male tu nianiiekato ko maba elo, melai meta pui nio me ereka. Edolomu inio kebe melai nianiiekika ko kuleto ama bazu poso vo Baṉara ko bazubazu Jisu kale avo. Meta me male kuo ko zokele ama sailao se muqaroma maba poso jari, melai meta mebeta nozuta ko susu.

Hiburu 7:16

Vota siama o eve, pui siama ko imo ko bazu kale, melai noqola kama saevo ko pizato kale.