Qelesia 3:8 - BAṈARA KO VAIRU AMA LEVELEVEO

⁸ Ni ko Tabu ama Riki kale ta ko pidokiovi mata vo Baṉara ko sidopu puemo se pui Jiu amu seko oqu kale. So sole ko Uri ama Bazu ta ko pikairiovi Ebarahami kasi, ko eri kikovema, “Ṉokale inio kiadama toutou poso ta mauru keta elou,” kikovema.

Qelesia 3:8 교차 참조

Jone 19:37

Ni mata kama pado kobu Tabu ama Riki kikovevo, “Sea maba poso ta ke velou se vo ke jataeveni,” kikovema.

Jone 7:38

Ko Tabu ama Riki kikovevo jari, ‘Vo o tuvevo puelo ala aṉa, ko saevo ko ju ta ko rereovou kiada keru orori jari voko bulo kale azo,’ ” kiolake.

Jone 7:42

Ko Tabu ama Riki kikolani ta, vo Baṉara o soroevani Pakio ta vo Aikovakova Devita ko vikuvikula kale azo inio o kilo avo, ni vota o alilou Betelihema peuru kale, koa peuru sai Devita o evekoi,” kikelake.

Iruruputo 2:35

ni aṉata zara a imou ṉoko kana poso ni ṉoko kiti iviivi a imou se,’ kiolake.

Romu 9:17

Ako ko Tabu ama Riki kikolani ta vo Baṉara ta ovai bazuekake vo Ijipi ala Aikovakova ko eri, “Aṉata aikovakova a iṉe ṉo ni aṉako iruruputo lomaloma jari a iṉe tu ṉo buratikou aṉako pizato ni kokale aṉako ṉi ta ko zorarou peuru ma peuru kale.”

Romu 9:30

Sokale avo inio se pui Jiu amu, se pui kepa vailikeni ko sidopu elo vo Baṉara ko kelokelozato kale, ta sidopu keta evake seko vai oqu kale vo;

Qelesia 3:16

Ni vo Baṉara ta o erekake voko leveleveo Ebarahami ni voko vikuvikula kale ala kasi. Melai vo Baṉara ta pui eri kiolake, “ṉo ni ṉoko vikuvikula kale amu kasi” ta pui so kiolake, ako so kio ta matu kubo maba poso inio sole. Melai Baṉara ta eri nio kiolake, “ṉo ni ṉoko vikuvikula kale ala kasi,” kiolake. Ako so kio ta omadeu pado maba sole ni vo inio vo Karisito.

Qelesia 3:22

Melai kota pui so inio ko kava, ako ko Tabu ama Riki ta kasa ko ikake ko kiadama peuru ma peuru kale amu ta ke piriziake boutare kale, tu ko leveleveo ta koma katizio oqu kale se tuvevo ke ivani vo Jisu Karisito.

Qelesia 4:30

Melai noi nio kikolani ko Tabu ama Riki? Ko kikolani ta eri nio, “Butueka koa mabaku ni kovo meqora! Tu voa meqora vo o alileni o maba reko kale inio o ṉeamukou vovo mama ko lomaloma melai koa mabaku vo meqora ta pulia quli opa ṉeamukou.”

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

Kelokelozato 11:15

Ni mata sikeurala mateana ta o puzekake voko kuvili, so keru inio matuma kora poso ta ko kuevake aukale azo, ko eri kikolako, “Peuru ma peuru kai lekasa puilo ko pizato ta erisaṉa ta animevo Lekasa Baṉara ko, ni vo o pitoeveni Pakio ko, ni koa lekasa puo ta ko elou latau ṉaniu ni ka ṉaniu!”