Qelesia 3:1 - BAṈARA KO VAIRU AMA LEVELEVEO

¹ Me sarube ama Qelesia mu mela! Meta kake inio kebe matu uria lipalipaemela! Ako meta mebe uria viqeni mela inio sole vo Jisu Karisito o erekema quli voko voukale korosi topi.

Qelesia 3:1 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Matiu 7:26

Melai kala vo o viqani komia aṉako bazubazu ni pui o luluekani ta kala sarube ala maba jari, vo o orumukani voko pade karokoni topi.

Luke 24:25

Nio Jisu ta eri kiolake nioqa kasi, “Qea sarubea qela, matu niuniala inio qeta eva, nio pui qe tuvevo pueka kiadama quli se poropita madu kikevevo seko riki kale!

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Romu 10:16

Melai pui sea kiadamu ke zorikake koa Uri ama Bazu. Aisea kiovevo jari, “Baṉara, lala inio lula tuvevo o ika eṉeko bazu?”

Romu 2:8

Se kiadailo ko maba poso ni ke vaekani ko sidopu, tu seta ke ereko ko ruqe ama kalo, se inio komai voreziovo amu ko Baṉara ko iqailo.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

1 Koriniti 11:26

Komi ko kalo ta kiada keru meme quovou keru komia bereti ni me nozuekou komia vaini ko ju ta me qasekou vo Lekasa Jisu ko vou ti kobeta barolou voko tova vaito mata.

1 Koriniti 2:2

Ako so keru aṉa abeta eva keru mekasi, aṉata lula a vatoeke tu a melai bazubazuevou me vo Jisu Karisito ni voko vou korosi topi ama ko kiada.

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

2 Koriniti 11:3

Melai aṉata ada ṉava ako meko kerukeru ta esa kota saruilou sole ni meta me vaekou meko tuvevo ama ni bulebule ama roquano vo Karisito kasi ama, omadeuvo ko Ivi o ikevoa lipaeko vo dole voko ubeubezato kale.

Qelesia 1:2

Aṉata a rikieka komia riki me Qelesia rana me evani mela lotu qoqono poso mela kasi, ni komia riki ta mata aṉako lotu visi poso kasi azo ama ikio seke evani aṉa kasi.

Qelesia 1:6

Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Qelesia 2:14

Ni aṉata a qeake seke erekako quli. Seta pui ke luluekake Uri ama Bazu ko tuveano, so sole aṉata eri va kialake vo Pita sea kiadamu ko tanama kale, “Pita, ṉota Jiu ala ṉa inio, melai ṉota pui Jiu amu jaria saevo ṉo eva. So sole noni kaqe inio ṉo zuruzuruema se pui Jiu amu tu Jiu mu jari ke kalo? Ako ṉo ṉavi melai pui Jiu amu ko saevo jaria saevo ṉobeta eva sole.

Qelesia 3:3

Meta meda maba matu sarube puta inio! Meko saevo vo Karisito kale ama ta me danieke Baṉara ko Auvana kale, melai erisaṉa meta mebe kai zaria koa saevo vo Karisito kale ama ta kobeta ziovou melai kota me ṉaviko pizato kale kimela.

Qelesia 4:9

Melai erisaṉa inio meta mevai uria nianiia vo tuvevo ala Baṉara, ma esa matu uri tu eri kiavou, voa tuvevo ala Baṉara ta o melai nianiia me. So sole loma kaqe inio meta mata me vaita koa lekuleku ama ni utube ama bazu kale ko meme luluekema jari ama koko paloasako taku kale? Meqai zaria tu mata mabaku me elo?

Qelesia 5:11

A qaka ni visi poso, aṉata pui a nianiiekimani lala se maba madu tu ke moveilo. Aṉata aqai nianiiekata ko moveilo tea, se maba poso ta pui nio kepa lai kaikuapo. Ako so tea, aṉako kai bazubazuto vo Jisu ko vou korosi topi ama ta pui tapata kopa mai elou se.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Epesasi 4:14

So inio animeta pui se meqora poso jari me qalou. Ni animeta pui mola jari me elou omadeuvo ko ururu ta ko puzeka ni ko solea kiadakoi vasi jari. Ako animeta pui ke melai saruekou kiadama vairu ama nianiiekato poso. Ako se kekai nianiiekatani ko ta ke ereka seko vatovatolo ni ke ereka kiadama lipalipa kama quli tu ke saruemo se maba poso tu ke lulueko sarusaru ama keve.

Epesasi 5:15

So sole meta kati matu vailomo meko saevo, ni pui saevo se sarube ama maba poso jari, melai meta saevomo nianiioma maba jari.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

1 Timoti 6:4

ta o utu aikaivani pala ni pulia quli ka supi vota o paqumuka. Voko sarusaru ama vatolo kale inio vota okai zolizolita ni okai aivepata koa rukuruku poso; komi ta kama konoilo, ni kasekasekinio, ni riqaekinio, ni ruqeruqe ama mamuro ko lainizato,

Hiburu 11:8

Vo Ebarahami ta ovai oqui vo Baṉara ni vota o zorive vo so keru vo Baṉara o nokaeve keru tu vota o tanito talio tu o zio kama pado peuru kale vo Baṉara o kativo ama ka kiolako tu vota o ṉeamuko ko. Vota o vaekake voko ṉisa peuru kai nianiio pideakoi sai vo o ziovoa koi ka kiolakoi.

Hiburu 5:9

Baṉara ta lula o uria korotikake voko vatolo vokale kude saita inio vota sea kiadamu seke zoriveni vo ko noqola kama pakio ko raki o evake,

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

1 Pita 4:17

Ako vo Baṉara ko titizato ko taku ta sipole kota barolou, ni vo Baṉara ko maba madu mela inio kuleto me ditiziovou. Ni koa titizato ta ko taniziovou anime voko maba madu mela kasi, so sole se pui ke zorikani vo Baṉara ko Uri ama Bazu ta maba ṉaloṉaloa tapata ke elou koa titizato komai barolou keru se.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Kelokelozato 18:3

Ako koa peuru kale amu ta matu ruqe ama pauvezato ke erekani ni kemai pakeka koa omadeuma kalo peuru ma peuru kale ama qoqono poso, omadeuvo kala maba ta o kativa edolola maba ko vaini ko ju tu matu doilili o ivo vo. Se peuru ma peuru kale ama aikovakova poso ta lula ke mati ereka ko ruqe ama iruruputo koa peuru kale amu, ni se tatabarao ko maba madu peuru ma peuru kale amu ta batiro kekai evake Babiloni peuru kale amu ko viluloqu tamai elole seko kiadama quli,” kiolake.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.