Qelesia 1:7 - BAṈARA KO VAIRU AMA LEVELEVEO

⁷ Melai tuvevo avole puliama ikio edoloma Uri ama Bazu. Melai kake maba poso ta niuniala ke imela me ni kekai zaria besieko vo Karisito ko Uri ama Bazu.

Qelesia 1:7 교차 참조

Matiu 24:24

Ako se lipalipa kama Pakio vo Baṉara o pitoemeni kikelani ni se lipalipa kama poropita madu ta ke podakou, ni ke erekou aqasiele ama quli ni ṉavaṉavala kama quli tu ke saruemo se lula vo Baṉara o pitoemeni, kebe mai roveovou ta.

Iruruputo 13:10

ni eri kiolake, “Noa Setani vo meqora ṉa! Ṉota kiadama sidopu ama quli vo kana ṉa inio. Ṉota koṉai sukata ko ruqe ama ubeubezato ni lipalipato, ni kiada keru ṉota ṉo madoekani ṉa lipato tava iko vo Baṉara ko tuveano!

Iruruputo 15:24

Lula ṉe viqa ta kake eṉeko maba poso seke keveni eṉeko poqala kale azo ta tapata ni upotuqu ke imela seke kasekako quli kale; melai eṉeta pui ṉeba soroeme se tu seta so ke imelo.

Iruruputo 20:30

Ni kake mekale ama maba poso ta ke puratou ni ke lipalipaemou seke tuvevo putani tu ke luluemo se.

2 Koriniti 11:13

Sea maba poso ta pui tuvevo ama apositolo madu inio, seta kama lipalipa kama apositolo madu, seke lipalipaitani seko iruruputo kale ni seke edoliani tu vo Karisito ko tuvevo ama nabulu poso jaria melo ke elo.

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

2 Koriniti 4:2

So inio eṉeta pui ṉeqai bazubazutani ṉela kakoi kazo ko kuevako keve poso, eṉeta pui ṉe ubeubemani ṉela se maba poso tu ke tuvevo puto eṉeko roverove ama pesio kale ni eṉeta pui edolovo ṉe ikani ṉela vo Baṉara ko bazu. Eṉeko zakaremua kai bazuto kale ko tuveano vo Baṉara ko tanama kale eṉeta ṉe duvevo puiva kiadama maba madu ko bulo kale ama kerukeru kale.

Qelesia 1:6

Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Qelesia 4:17

Meko lipalipa kama nianiiekato ko maba poso ta ke matu madoeka tu ke sebiemelo me, melai se kekai zariako quli ereko ta pui uri mekasi, ako seta ke sebiemela me tu ke pitasimelo me sole eṉe kasi azo. Ni seko zario ta meta zarizari mema elou se.

Qelesia 5:10

Melai aṉata avai kerua vo Baṉara ta meta pui mata kama edoloma kerukeru meba luluekou. Ni vo Baṉara ta o koqotaevou voa maba vo niuniala o imelani me, kala obe elou ta.

Qelesia 5:12

Soama maba madu seke niumaemelani me ta ama zaria tu kebeta ziovou ko topi tiniavo seko moveilo ni koa ziole ke ruboilou!

Qelesia 6:17

So sole meta pui mata me qatilou aṉa kama tapata, ako aṉako tupu kale a qoema tabi ko taki ta kasa ko ila aṉa ta aṉata vo Jisu Karisito vo tuvevo ala nabulu lala sole.

2 Timoti 2:18

Nioqa inio qo ṉamukeni nioqa ko tuveano, ni lekuleku qo imani nioqa kake seke tuvevo putani seko oqu kale kai bazuto kale ko anime lotu maba mela ko mata saevo voukale azo ta lula kota ereiva kio ni pui kopa tova ereilou kio sama lipalipato kale.

1 Jone 2:26

Aṉata a mela rikita me tu a melai balauvimo sea maba poso, se kekai zariani saruemelo me.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

2 Jone 1:10

Ni kala maba ta o kilou mekasi, ni okai nianiiekatou edoloma nianiiekato, pui vo Karisito ko nianiiekato jari ama, ta pui me zarievou tu o kilou meko pade kasi, ni pui me baroekivou vo.

2 Jone 1:7

Matu kubo lipalipa kama nianiiekato ko maba madu ta iniseana komia peuru ma peuru kale. Ni seta eri kikela, vo Jisu Karisito ta pui maba opa eve ni pui opa kuevi miduku kale koa voko maba elo kale kikela. Vo so kiolani ta lipalipa kala nianiiekato ko maba ni vo inio vo Karisito vo kana.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

Kelokelozato 12:9

Nio voa matu ti matula dole ta o ṉamuike aukale azo, voa kuleto o eveni dole, voa ziolo ko kuleto ala vo Setani va kikelani, vo o lipalipaekeni ko pado ama peuru ma peuru. Vota o ṉamui miduku kale, kiadama voko mateana poso sate.

Kelokelozato 13:14

Ni vota o lipalipaemake kiadama maba poso seke evani miduku kale voko ereko kale koa aqasiele ama iruruputo ko kova zariziako voa kuleto ala biaṉa ko tanama kale. Voa omuqala biaṉa ta o soruemake se maba poso peuru ma peuru kale ke evani tu seta ke erevo kala beku tu keta va ereko ko mamola vo kuleto ala biaṉa benisi kale tabi o eveni, ni vo o saeveni.

Kelokelozato 19:20

Ni seta ke noqoevake voa biaṉa ni ke noqoevake voa lipalipa kala poropita vo o erekani ko aqasiele ama iruruputo voa biaṉa ko tanama kale. (Koa aqasiele ama iruruputo omai lipalipaekema seke koeni vo biaṉa ko mamola ni keta va ilusikeni voko beku.) Ni voa biaṉa ni voa lipalipa kala poropita ta omadeu risaeko ke evake saevoa nioqa uza kolabale ni ke siqaekake nai sama uza kale.

Kelokelozato 2:2

aṉata aqai nianiia ko meme erekako quli ni meko matuma iruruputo ni meko inobea kai pataito ko naqunaquto. Aṉata a baqumuka ta meta pui memai zoleiva se ruqe ama maba madu. Meko madoemo se ke ṉavi ke apositolo puivani kale meta lula memai potoa se ta seta lipalipa kamu.

Kelokelozato 2:20

Melai ko aṉa pui ko zolelako quli mekasi ama ta eri nio: meta me zarieka koa rekoreko Jezebeli, ko kokai kuiziako ko ṉavi ta ko ikio vo Baṉara ko poropita kikolako. Koko nianiiekato kale kota ko saruema odiemo aṉako maba poso ni seta ke pauveka ko ruqe ama iruruputo poso ni ke kua ko sailao ko lula beku poso ke katikako.

Kelokelozato 2:6

Melai ikoana mekasi ko quli koko zolelako quli, ako meta meqai kideipa se Nikolasi ke luluevani ke erekako quli, omadeuvo aṉa melai aqai kideipa jari.

Kelokelozato 20:3

Vo mateana ta ovai risatake voa matu dole matu saqoroma rosia soqili ko poro kale, ni vinavina tibuliko o evake koa soqili, tu voa matu dole ta pui mata o lipalipaekou ko peuru ma peuru kale ama qoqono poso ti kobeta paloasou ko omadeu vuro sabere. Koa taku ko tova, vota o rupasiovou kama puju ama taku kale.