Qelesia 1:6 - BAṈARA KO VAIRU AMA LEVELEVEO

⁶ Aṉata a melai matu vuzeiva me! Ako puliako tu keu meta me vaeva vo Baṉara vo o nokaemeleni me vo Karisito ko pakiezato sama roquano kale ni tuvevo me ika edoloma bazu, ko kake Uri ama Bazu ka kikelako.

Qelesia 1:6 교차 참조

Maka 6:6

Nio vo Jisu ta ota matu vuzeike, ako seta maba puliama tuvevo puto samu vokasi sole. Ni Jisu ta ota olake saizama zavaṉa poso kale, ni o nianiiekimake se maba poso.

Jone 9:30

Nio voa maba ta o mati tiorikake se, “Koe! Matu aqasiele ama quli ko meta pui meqai nianiia sai vo o kuevikoi kazo, melai nio vota ola leqosikala aṉako omuqa vilu!

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

Romu 10:3

Seta pui ke vakakukake koa keve vo Baṉara omai sidopu puekako se maba madu o ṉaviko kelokelozato kale, melai seta kekai zariake sidopu elo ke ṉaviko kalo ko lulueko kale, ni seta keta lupaovake sidopu elo vo Baṉara o pitoekako keve kale.

Romu 5:2

Vota lula o odiemela anime oqu kale vo Baṉara ko pakiezato sama roquano kasi, sai anime me evakoi. Sokale avo inio animeta meqa zoleiva ko animeko piza kama keru, tu kai zomano vo Baṉara ko ṉaṉaidara!

Romu 8:28

Animeta meqai nianiia ta kiadama quli vo Baṉara ta uria ereko o eva anime me roquevani mela vo kaqe ni anime o nokaemelani mela voko vatolo kale.

Romu 8:30

Ni anime lula o edolimelani ta o nokaemelake, ni anime lula o nokaemelani, ta o sidopu puemelake, ni vota o zomanimelake voko ṉaṉaidara kale.

1 Koriniti 4:15

Ako meta mebe ṉeamumou toni vuro meko vilua pikopiko madu meko lotu saevo kale, melai omadeu maba inio mevo mama jari ala. Ako meko omadeu vati elo vo Jisu Karisito kale ta aṉa inio mevo mama jaria lala a borikeni lala ko Uri ama Bazu mekasi.

2 Koriniti 11:4

Ako meta meqai zoleiva viqo kama lipalipa kama bazu Jisu ko kasevako kama maba poso kasi seke kuevani mekasi, ko pui aṉa lula aqai bazubazutako mekasi, ni meta meqai zoleiva edoloma auvana ko bazu ko se Tabu ama Auvana ka kikelako, ni meqai zoleiva edoloma lotu bazu ko se Uri ama Bazu ka kikelako, ko eṉe pui ṉeba melai bazuekema!

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

Qelesia 1:11

A visi poso, aṉata aqai zaria tu melai bazueko ko eri. Komia Uri ama Bazu aṉa aqai bazubazutako ta pui maba ko erekako.

Qelesia 1:15

Melai vo Baṉara ko pakiezato sama roquano kale inio vota o pitoele aṉa, puliako aṉa alilo, ni o nokaele aṉa tu ava nabuluputo vo. Ni vota o vatoekake

Qelesia 1:7

Melai tuvevo avole puliama ikio edoloma Uri ama Bazu. Melai kake maba poso ta niuniala ke imela me ni kekai zaria besieko vo Karisito ko Uri ama Bazu.

Qelesia 2:14

Ni aṉata a qeake seke erekako quli. Seta pui ke luluekake Uri ama Bazu ko tuveano, so sole aṉata eri va kialake vo Pita sea kiadamu ko tanama kale, “Pita, ṉota Jiu ala ṉa inio, melai ṉota pui Jiu amu jaria saevo ṉo eva. So sole noni kaqe inio ṉo zuruzuruema se pui Jiu amu tu Jiu mu jari ke kalo? Ako ṉo ṉavi melai pui Jiu amu ko saevo jaria saevo ṉobeta eva sole.

Qelesia 2:2

Aṉata a olake sai, ako vo Baṉara ta o bazuelake sole tu aṉata a zio. Nio aṉata a doraemake ṉe qiadakoi se lotu qoqono ko vilua pikopiko madu, ni aṉata amai bazuekake koa Uri ama Bazu, ko aṉa aqai bazutako se pui Jiu amu kasi. Ako aṉata ada ṉake sole ta esa seta pui omadeu kerukeru ke lati eva aṉa, ni aṉako iruruputo lula a erekema ni abe erekako erisaṉa ta utu ama kiala sole.

Qelesia 2:5

Melai eṉeta puliama rora ṉeba katime sea lipalipa kamu! Ako eṉeta ṉeqai zariake sole tu kati qaraqarato ko Uri ama Bazu ko tuveano tu me kaqe sole.

Qelesia 2:7

Sea vilua pikopiko madu ta pulia quli kepa kati paqulike aṉa aqai bazubazutako Bazu melai seta ke keake ta vo Baṉara ta o katile aṉa ka pado koidi, omadeuvo Pita o kativema jari ama. Ako vo Baṉara ta o kative koa iruruputo vo Pita tu omai bazueko ko Uri ama Bazu se Jiu amu, ni Baṉara ta o katile aṉa komia iruruputo tu aṉata a melai bazueko ko Uri ama Bazu me pui Jiu amu mela.

Qelesia 5:14

Ako koa kiadama vo Mosese ko Bazu ta komia omadeu pado Bazu topi ko kiada, ko eri kikolako, “Roquema edolomu omadeuvo ṉo ṉavi ṉo roquiva jari,” kikolako.

Qelesia 5:4

Ni kake mela me meqai zariani mela lulueko vo Mosese ko Bazu, ta meda pitasia inio vo Karisito kasi azo ni meta me epeza tuvevo pueko Baṉara ko roquano kale ama sidopu puto.

2 Tesalonaika 2:14

Baṉara ta lula o nokaemela me koa Uri ama Bazu kale ko eṉe lula ṉeqai bazutako mekasi; ni vota lula o nokaemela me tu meta me zomanou kovo vo Lekasa Jisu Karisito ko ṉaṉaidara.

1 Timoti 1:14

Ni vo Baṉara ta olai avozikake voko palopaloasi ama roquano ni vota o katilake aṉa koa oqu ni roquano ko anime me qoako so keru me duvevo pueva keru vo Jisu Karisito.

1 Timoti 1:3

Aṉata aṉa zaria ṉo tu beta eve Epesasi peuru kale, lula ṉati kiavevo jari so keru aṉa Masedonia peuru poso kale a qeve keru. Ako kama maba poso ta kebe kai nianiiekata sai ko lipalipa kama lotu ko bazu poso; tu ṉota maba dokolimo eve se.

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

2 Timoti 2:1

So sole ṉo, ṉo a meqora ṉa, ṉota pizate koa pakiezato sama roquano kale ko animeko omadeu vati elo vo Jisu Karisito ko katimelako.

1 Pita 1:15

Melai meta tabutabuo kale erekomo kiadama quli, ako vo Baṉara vo o nokaemeleni me ta tabu ala sole.

2 Pita 1:3

Jisu inio vo Baṉara ko pizato sala. Ni voko pizato kale inio o katimele kiadama quli anime meqai zariako animeko saevo kale tu meva nabuluputo vo Baṉara. Animeta me ṉeamuka komi quli ako animeta mevai nianiia vo Baṉara sole, vo o nokaemeleni anime. Vo Baṉara ta voko ṉaṉaidara ni sidopu kale

Kelokelozato 22:21

Vo Lekasa Jisu ko pakiezato sama roquano ta ko elou mea kiada mela Baṉara ko maba poso mela tona.