Pilipai 4:9 - BAṈARA KO VAIRU AMA LEVELEVEO

⁹ Ni meta kai saevomo ko quli meqai nianiima ni me qoema aṉa kasi azo. Ni erekomo ko quli aṉa a melai bazuekema, ni meta kamo aṉa a qaevo jari. Ni vo bule ko Baṉara ta o elou me tona.

Pilipai 4:9 교차 참조

Matiu 1:23

“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 7:21

“Pui sea kiadamu se eri la kikolani aṉata sevo Lekasa lala inio kepa amaqeovou vo Baṉara ko lekasa puo kale, melai seke erekani aṉavo aukale ala Mama oka zariako quli tu ke ereko inio ke amaqeovou sai.

Luke 6:46

Ni vo Jisu ta obeta olake bazubazuto ni eri kiolake, “Noi sole inio meta ‘Lekasa,’ la kimela kiada keru, melai meta pui me ereka aṉa a melai bazuekako quli me?

Luke 8:21

Nio Jisu ta eri kiolake sea kiadamu kasi, “Aṉako niania ni aṉako visi poso ta seke viqani nio vo Baṉara ko bazu ni ke zorikani ko inio,” kiolake.

Jone 13:17

Erisaṉa meta me baqumuka koa korokoroti ama kalo ko meme ereko ama, so sole meta me erekou koa kalo inio meta maurumaurua mela meda elou.

Jone 15:14

Ni meta me erekou kiadama aṉa a melai bazuekako quli inio meta aṉako baerebaere poso mela.

Jone 2:5

Nio Jisu ko niania ta ko bazuemake se nabulu poso, “Meta me erekou ko quli vo o melati sorueko ama quli,” kikolake.

Iruruputo 9:6

Ṉota zolai ni ola peuru kale ni sai nio kala ta oṉai bazuekou ṉo ṉoṉo ereko ama quli,” kikolake.

Romu 15:33

Vo Baṉara, animevo bule ko raki, ta o elou mea kiada mela tona. Emeni.

Romu 16:20

Ni vo Baṉara animeko bule ko raki ta taukavole o mujarivou vo Setani meko kiti vima. Vo animevo Lekasa Jisu Karisito ko roquano ta ko elou me tona.

1 Koriniti 10:31

Zio, melai koa kiadama quli meme erekako, ni meme quako ni me nozuekake quli kale, meta vai ṉaṉaidara puekomo vo Baṉara kiada keru.

1 Koriniti 14:33

Ako vo Baṉara ta pui o melai zaria anime tu kako ma kako me qalou animeko lotu padoilo kale, melai animeta me lotumatou uri ama korokoroti ni bule kale. Omadeuvo kiadama vo Baṉara ko mabamu ko lotu qoqono poso kale ko kavani jari ta

1 Koriniti 4:16

So sole aṉata a basemela me, tu meta luluekomo aṉako kalo.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Pilipai 3:17

So sole a visi poso, omadeu vatolo kale meta madoekomo lulueko aṉa a qavani. Ni didiemomo seke luluekani koa sidopu ama kalo, ako eṉeta kasa ṉe ika ko tuvevo ama keve ko meme lulueko ama sole.

Pilipai 4:7

So inio vo Baṉara ko aqasiele ama bule ko anime pui me uria paqumukako ta ko zolekou meko bulo ni kerukeru meko omadeu vati elo kale vo Jisu Karisito.

1 Tesalonaika 1:6

Meta me ṉeamuke ko Uri ama Bazu koa zoleilo sate, koko kuevako vo Tabu ala Auvana kasi azo, rouka mebe toraeke melai ko matuma tapata meko lulueko kale avo koa Bazu. Ni meta me lulueke eṉeko ni Lekasa Jisu ko kalo.

1 Tesalonaika 2:14

Ṉe visi poso mela, koa omadeuma niumaniumato mekasi ko ereima jari ama ikio ko ereima vo Baṉara ko lotu qoqono poso kasi Jiudia, saizamu vo Jisu Karisito ko maba madu kasi. Koa omadeuma niumaniumato ko me duki ke melai ikema me ṉaviko ṉisa peuru kale ama maba poso ikio duki kemai ikema saizama lotu maba poso se Jiu amu ko lotu tanatanamu,

1 Tesalonaika 5:23

Erisaṉa o ṉavi Baṉara, vo anime o katimelani ko bule, ta tabu o imelou me kiadama keve kale, ni vota o melati vailou me meko pado ama saevo kale, auvana ni tupu kale, ni kuiripato pidea mela o melati vailou vo Lekasa Jisu Karisito o vaitou keru ama taku keru.

2 Tesalonaika 3:4

Ni eṉeta ṉeqai zoleiva meko zukaido animevo Lekasa tona, ako eṉeta ṉe duvevo pueka ta meta mebeta ereka ko eṉe ṉe melai bazuekema quli tu me ereko sole, ni mata meta mebeta ziovou ereko ko.

2 Timoti 4:22

Aṉata a vararaita tu animevo Lekasa ko mauruto ta ko elou ṉoko auvana kale. Ni aṉata a vararaita tu vo Baṉara ko roquano ta ko elou mea kiada mela tona. A baika.

Jemisi 1:22

Meta pui me jaruilou voko bazu ko viqo pala kale, pui kai uria iruruputo kale.

2 Pita 1:10

So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.

1 Jone 3:22

ni vo Baṉara ta o katimelou ko quli anime me baseko ama. Animeta me qovou ko, ako animeta me zorika sole vo Baṉara ko bazu, ni me ereka sole vo ko zolevako quli.