Pilipai 4:7 - BAṈARA KO VAIRU AMA LEVELEVEO

⁷ So inio vo Baṉara ko aqasiele ama bule ko anime pui me uria paqumukako ta ko zolekou meko bulo ni kerukeru meko omadeu vati elo kale vo Jisu Karisito.

Pilipai 4:7 교차 참조

Luke 1:79

ni vota omai talou kiadamu seke evani vou ko kutumana kale ni vou ko ṉalo kale tu vota o odiemelo kiadama animeko tamuto poso kale bule ama keve tona,” kiolake vo Zekaraia.

Luke 2:14

“Naṉaidara vo Baṉara kasi ko matu okate ama aukale, ni bule maba poso kasi vo omai zoleivani miduku kale!” kikelake.

Jone 14:27

“Aṉata a vaeka ko bule mekasi, ni koa bule aṉa a qatimelako me ta maba a ṉisa ṉaviko ikio. Aṉa a qatimelako bule ta pui komia peuru ma peuru kale ama maba poso ke katimelako jari ama. Kota matu edoloma. Sole meta pui upotuqu elo, ni pui tiṉoliṉoli elo, ni meta pui ṉalo.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Romu 15:13

Vo Baṉara, vo o katimelani anime ko keru tu me qovo ko noqola kama saevo, ta o melai avozikou me kiadama zoleilo ni bule meko vai oqu kale vo, tu koa meko keru ta ziole kobeta ziovou vo Tabu ala Auvana ko pizato kale.

Romu 5:1

Erisaṉa animeta lula sidopua mela vo Baṉara ko kelokelozato kale animeko oqu kale, Sokale inio animeta bule kale me vati eva vo Baṉara, animeko omadeu vati elo vo animevo Lekasa Jisu Karisito kale kude.

Romu 8:6

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

2 Koriniti 10:5

eṉeta ṉe qoqotaeka kiadama lipalipa kama rauraraurailo koko tizaemake se maba poso tu pui kevai nianiio vo Baṉara; eṉeta ṉe lilika maba poso ko kerukeru tu seta kevai zoriko vo Karisito.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Epesasi 3:19

Ako vo Karisito ko roquano ta aqasiele ama ni palopaloasi ama, ni maba poso ta pui ke rovea paqumuko ko. Melai aṉata a melati vararaita me tu meta meqai nianiiovou koa voko matu aqasiele ama roquano, tu meta me jukatou vo Baṉara ko saevo kale.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Pilipai 1:2

Ni aṉata a melati vararaita, tu vo Baṉara animevo Mama, ni vo Lekasa Jisu Karisito ta o katimelou ko pakiezato sama roquano ni bule.

Pilipai 4:19

Ni aṉavo Baṉara vo aqasiele ama batiro aukale ama sala ta o katimelou kiadama quli meko saevo ko korotiko ama quli, ako meta omadeu me vati evani mela vo Jisu Karisito sole.

Pilipai 4:21

Ni aṉata aqai zaria tu mea kiada mela vo Jisu Karisito ko maba madu mela ta meqai nianiiovou ta aṉata abe kerukeruemela me. Ni se lotu maba madu koi aṉa kasi ke evani melai kebe kerukeruemela me.

Pilipai 4:9

Ni meta kai saevomo ko quli meqai nianiima ni me qoema aṉa kasi azo. Ni erekomo ko quli aṉa a melai bazuekema, ni meta kamo aṉa a qaevo jari. Ni vo bule ko Baṉara ta o elou me tona.

Kolosi 3:15

Koa bule vo Karisito o puarikako anime kasi ta ko aveavemelou me kiadama quli meme erekako quli kale, ako vo Baṉara ta lula o pitoemele me tu meta omadeu qoqono me elou bule ama kerukeru kale. Ni meta kativomo vo Baṉara meko uriavo kiada keru.

2 Tesalonaika 3:16

Nio animevo Lekasa Jisu o ṉavi, vo bule ko raki, ta o katimelou me ko bule kiadama keve kale kiada keru. Ni aṉata a melati vararaita me tu vo Lekasa Jisu ta o elou mea kiada mela sase.

Hiburu 13:20

Baṉara ta o saevive vo Lekasa Jisu voukale azo, vo raura kala anime o melati vailani omadeuvo sipi o kati vailani maba jari. Vota o saevive vo koa dara ko pizato kale, koko vinaekema koa leveleveo, vo o erekema anime kasi tu kota noqola pizato ko elou.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

Kelokelozato 1:4

Aṉa Jone lala ta a joroeka aṉako roquano mea sikeura lotu qoqono Eisia rana me evani mela kasi. Pakiezato sama roquano ni bule vo Baṉara kasi azo ko kuevako ta meko, vo koko tanitanila kale o eveni, ni vo erisaṉa obeta evani, ni vo mainio opa kilo ala, ni koa sikeura auvana kasi azo ama koko evako voko papupapu ko kuleto,

Kelokelozato 2:17

“Uri tu meta paqumukomo meme viqako vo Tabu ala Auvana kiolani sikeura lotu qoqono kasi! Seke koqotaeko amu ko ruqe ta a qatimou kama koko mutaima mana. Ni aṉata amai okotimou katimo sea kiadamu ko tapo ama lado, ko vairu ama ṉi kokai rikiziovima, ko puliala kala pado maba okai nianiiako melai vo o koani ko o kiada pado inio okai nianiia.