Pilipai 4:17 - BAṈARA KO VAIRU AMA LEVELEVEO

¹⁷ Ni tuvevo avole aṉako so kio ta pui aqai zariako ikio kovo kama puaro. Melai aṉata aqai zaria tu meta uri ama ṉi saṉa me elou ko quli meme erekako quli kale.

Pilipai 4:17 교차 참조

Jone 15:16

Meta pui meba pitoele aṉa melai aṉata lula a bitoemele me tu meta me ziovou tu meta me matu epamatou meko tauvemo kale edolomu, ko noqola ko elo ama epa kale. Sokale inio vo Mama ta o katimelou ko quli meme baseko ama vokasi aṉako ṉikale.

Jone 15:8

So inio aṉavo Mama ta o ṉaṉaidara puilou, meko matu epamato kale, ni so inio meta aṉako disaipeli mela me elou.

Romu 15:28

So keru aṉa a baikou keru koa koidi ni aṉa a vaekou keru kiadama koa takula seko ṉase topi, aṉata a dadaovou tu a zio Sipeini peuru kale ni aṉata a joipimelou me sai Romu peuru kale alokatole.

2 Koriniti 11:16

Aṉata aqai limaza ko puliala mekasi ala ta sarubea lala pa la kiovou. Melai so kimela me tea vaeka tu soa kaselo emo, tu aṉata a jasa raurailou meko so la kio kale.

2 Koriniti 9:5

So sole aṉako kerukeru kale ta matu uri kio tu sea zouke animeko lotu baerebaere poso ta kuleto kebeta baro mekasi aṉa puliako baro tu meta me uria padoekou meko katizato poso ko lula me qasekako ta me ereko ka kimelako. So inio kota lula inaina kama ko elou aṉako barolo keru sai, ni meko katizato ta kasa ko elou meko zario sate ama, pui kama zuruzuruto kale ama quli.

Pilipai 1:11

ni so inio vo Karisito ta o tauvemelou me ni meta me erekou kubo sidopu ama quli tu meta ṉaṉaidara me ivou ni me ilusivou vo Baṉara.

Pilipai 4:11

Ni aṉata a melai bazueka komi quli pui aṉako kai zario kale kama quli ako aṉata aqai nianiia ta ko quli aṉa a ṉeamukako quli ta ko malezila sole aṉa, so sole pui a madoeka tu kovo mata kama.

1 Tesalonaika 2:5

Meta meqai nianiia ta puliaka taku inio eṉeta ṉeba oluoluemele me, ni vo Baṉara inio okai nianiiani ta eṉeta puliama viluloqu sama kerukeru kale inio eṉeta ṉe irurupute mekasi.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Timoti 6:10

Ako takula ko roqueko ta kiadama ruqe ko raki sole. Kake maba poso se lula matu piza ke evani takula ko vailiko kale ta keta epeiva oqu kasi azo, ni kokale kude inio kubo upotuqu ta ko duki pueka seko bulo poso.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Taitasi 3:14

Mata animeko lotu qoqono poso ta ke male tu kekai nianiio tu dikidauputole uri ke ereko, tu seta ke tauvezato koa maba tuvevo ama zario poso kale, maba poso ko saevo ko korotikako, tu seta pui ke saevo utu ama saevo kale.

Hiburu 6:10

Ako vo Baṉara ta matu sidopu ala kiadamu kasi. Vota pui ukaka opa ikou meko iruruputo ni ko meme buratikema roquano meko tauvemo kale lula ni erisaṉa vo Baṉara ko qoqono voko ṉikale.

1 Pita 5:2

tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.

2 Pita 2:15

Nia lipalipa kama nianiiekato ko maba madu ta ke vaeke sidopu ama keve ni keta mumai. Seta ke luluekake koa keve Beilami vo Beo vo meqora o luluekema keve jari ama, vo o roquekeni kovo ko takula tu o ereko ko ruqe.

2 Pita 2:3

Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.