Pilipai 4:12 - BAṈARA KO VAIRU AMA LEVELEVEO

¹² Ako aṉata abe kai nianiia sole aṉa aqai saevo avo aṉa ozaoza a elou keru, ni so jari abe kai nianiia aṉa aqai saevo avo aṉa a ṉeamuzatou keru. Ako aṉata aqai nianiia sole ko omele ama zoleilo kiada keru ko quli ko ereivako quli kale. So inio abe luapou ma abe maqinou, batiro abe elou ma ozaoza abe elou melai aṉata ada zoleilou.

Pilipai 4:12 교차 참조

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Matiu 13:52

Nio Jisu ta mata eri kiolake sekasi, “So inio kiadamu vo Mosese ko Bazu ko nianiiekato ko maba poso se kekai nianiiani ko vairu ama nianiiekato vo Baṉara ko lekasa puo ko, ta vo pade sala jari vo o saqorikani voko lomaloma vairu ama ni tana kama voko lomaloma o tukiekakoi kazo.”

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

2 Koriniti 10:10

Ako kake ta eri kikelani, “Paula ko riki poso ta vualavuala kama ni piza kama, melai so keru vo koi eṉe kasi o eva keru, ta lekuleku ala voko tupu kale, ni voko bazubazuto melai pulia quli jari!”

2 Koriniti 11:27

Jairojairoki ama iruruputo aqai eva, ni puliama maroṉo mati; aṉata lula kubo taku ada luapa ni ada rokauva; ni lisulasu ada eva puliama aṉako sailao, ma ono, ma suma.

2 Koriniti 11:7

Aṉata pui aba tamela koe kama tabara aṉako kai bazubazuto kale mekasi vo Baṉara ko Uri ama Bazu; aṉata a zarazarai tu meta raura me elo. Kota kama pado aṉako saruilo ikio kio?

2 Koriniti 11:9

Ni so keru koa taku kale aṉa a eve keru mekasi aṉata pui tapata aba melai ike me so keru aṉa seleni aqa zaria keru; ako animeko lotu tamania kale amu seke kuevini Masedonia azo ta ke lati kue kiadama quli ko aṉa aqa zariovima quli. Kobeta kavani ko paloasako taku kale jari, ti kobeta kalou koko kuevako taku kale; aṉata maba pui riteraite aba melai ikou me kama quli.